Connect with us

Кредити

Почнува аплицирањето за новата бескаматна кредитна линија „Ковид 4“

Објавено

на

Од денеска, 15 јули ќе може да се аплицира за бескаматен кредит од кредитната линија ,,Ковид 4”. Јавниот повик за оваа кредитна линија беше објавен на 7 јули 2021 година, а ќе трае 20 дена.

За кредит со можност за грант компонента до 50 проценти, односно 15.000 евра, може да аплицираат трговски друштва од дејноста на угостителството, транспортот, туризмот и ивент индустријата; приватни здравствени установи (ПЗУ), трговци-поединци (ТП) и занаетчии од сите дејности. Субјекти кои користеле средства од Мерка 1 од петтиот сет економски мерки за финансиска поддршка на плати за февруари и март од Управата за јавни приходи (УЈП) и субјекти кои користеле кредит од ,,Ковид 3” нема да може да користат кредит од ,,Ковид 4”. Субјекти кои користеле кредит од ,,Ковид 1” и/или ,,Ковид 2” и немаат неизмирени достасани обврски на денот на аплицирање (15 јули 2021) ќе може да користат кредит од ,,Ковид 4”.

Максималниот износ на кредит е 30.000 евра, додека минималниот износ на кредит е 3.000 евра. Кредитите од ,,Ковид 4” ќе имаат грејс-период до 12 месеци и период на отплата до 42 месеци.

Износот на кредит кој може да биде одобрен за субјектите зависи од падот на приходите во 2020, во однос на 2019 година, и тоа:

(1) Субјекти со пад на приходи од 30 до 50 проценти може да аплицираат за максимален износ на кредит кој изнесува: 15.200 денари х 3 месеци х број на вработени; и

(2) Субјекти со пад на приходи над 50% може да аплицираат за максимален износ на кредит кој изнесува: 22.000 денари х 3 месеци х број на вработени.

Потенцијалните корисници на кредит од оваа кредитна линија треба да имаат пад на приходите од најмалку 30% во 2020 во однос на 2019 година, како и главница и резерви не помалку од 33% од износот на бараниот кредит. Прнципот за одлучување за распределба на расположливиот фонд средства ќе биде ,,прв дојден, прв услужен”.

Корисниците на кредит од оваа кредитна линија ќе може да побараат грант компонента до 50% од износот на кредит. Субјектите кои ќе покажат раст на вработените во 2021 во однос на 2020 за најмалку 5%, ќе може да користат грант од 20%. Субјектите кои ќе покажат раст на вкупните приходи за најмалку 10% за истиот период, ќе може да користат грант од 30%. Субјектите кои ќе ги зголемат и вработените и вкупните приходи, ќе може да користат грант од 50% од износот на кредитот.

Поднесувањето на кредитните барања ќе се одвива по електронски пат на адресата на е-пошта: kreditiranjecovid4@mbdp.com.mk, почнувајќи од 15.7.2021 година од 9:00 часот.

Кредити

Ново од Комерцијална банка и Нептун: Наменски кредит без трошоци за аплицирање и администрирање

Објавено

на

Купувајте на рати во Нептун со кредит од Комерцијална банка, кој сега го добивате без трошоци за аплицирање и администрирање. (more…)

Продолжи со читање

Кредити

Соништата навистина се остваруваат со Шпаркасе Банка!

Објавено

на

Купувањето или уредувањето на стан или куќа е една од најголемите финансиски одлуки во животот на секоја личност и затоа е многу важно да бидете добро информирани доколку решите да го направите ова со финансиска поддршка во форма на станбен кредит. (more…)

Продолжи со читање

Кредити

Стопанска банка АД – Скопје со промотивна понуда за станбени кредити до крајот на годината

Објавено

на

Повторно оваа есен, станбените кредити од Стопанска банка АД – Скопје вклучуваат понуда за намалени трошоци поврзани со процесот на аплицирање и одобрување што е значително олеснување за корисниците на кредит. (more…)

Продолжи со читање



Популарно