За време на сегашното целосно затворање (lockdown), околу 700.000 Британци ги затворија своите компании, покажуваат резултатите од новото истражување на фондацијата „Resolution“.

Според податоците од истражувањето, тоа значи дека секое седмо самовработено лице престанало да работи, што е зголемување за 50 проценти во однос на првата блокада воведена минатата пролет.

Пандемијата на коронавирусот влијаеше и на животниот стандард, бидејќи голем број на самовработени се соочуваат со пад на приходот за повеќе од една четвртина и повеќето од нив не добија никаква помош од властите.

„Коронавирусот и корона кризата во голема мера влијае врз самовработените граѓани кои имаат сопствени бизниси. Властите треба да ги прошират критериумите за поддршка на оние што ги запоставија, а на кои им е неопходна помош“, изјави Хана Слотер, економист од фондацијата „Resolution“.

фондацијата „Resolution“ е истражувачка организација која се бори за подобри услови за живот на луѓето со ниски и средни примања.

Во Велика Британија воведена е строга блокада односно целосно затворање (lockdown) во последните неколку недели, со бројни ограничувања како полициски час, затворање на продавници и големи ограничувања на социјални контакти.