Connect with us
P2_P_MK_1600x400

Странски банки

Поради овие 5 причини богатите ги штедат своите пари во швајцарските банки

Објавено

на

Знеме дека швајцарските банки се најсигурни во светот. Кога и да прочитате за некоја банкарска измама или сериозен банкарски скандал, скоро никогаш нема да сретнете швајцарска банка вмешана во нешто нелегално.

Во принцип, филмовите и ТВ сериите ги прикажуваат швајцарските банки како бастиони за безбедност, сивата тврдина каде што се крие идентитетот, а приоритет е приватноста на клиентите. Се разбира, реалниот живот не е толку розев, но постојат многу причини зошто огромните средства на пари скоро секогаш редовно се депонираат на банкарските сметки во Швајцарија.

Во продолжение ќе ви посочиме 5 причини зошто штедењето во овие банки е прав избор.

1. Швајцарските банки никогаш нема да го откријат идентитетот на својот клиент

Швајцарските банки се наоѓаат на врвот на листата на светски банки во заштита на идентитет на клиентите. Всушност, на банките во Швајцарија им е забрането да ги идентификуваат своите клиенти. Доколку името на клиентот го предадат во истражниот суд или во странска влада (без значителна правна причина), швајцарската влада може кривично да ја гони банката.

Секако, постојат исклучоци од секое правило, па доколку клиентот е обвинет за трговија со дрога, организиран криминал или шпионажа, банкарите ќе бидат принудени да ги предадат информациите за неговите банкарски сметки до истражните органи.

Но, во секој друг случај, никој нема да знае дека Вашата банкарска сметка во Швајцарија воопшто постои.

2. Сигурност на парите

Во случај банката во која ги имате депонирано парите  ја зафатат природни непогоди или пожари, парите ќе ви бидат сигурни и вратени во целост. Тоа е затоа што Здружението на банките на Швајцарија ја гарантира безбедноста на секоја поврзана банкарска сметка.

3. Швајцарија има најсигурна валута во светот

Швајцарскиот франк е една од најсигурните валути во светот. Оваа валута практично има нулта инфлација.

Зошто франкот е толку стабилен?

Повеќето модерни валути постојат дигитално и во колективната свест на своите корисници. Швајцарските франци, од друга страна, имаат најмалку 40% резерви на злато.

4. Стабилна економија

Важно е да се напомене дека не е само франкот стабилен, туку и целата економија на Швајцарија е повеќе од солидна и многу стабилна.

Со други зборови, меѓународните економски конфликти ретко имаат влијание врз швајцарската економија.

5. Швајцарската банка не е само за богатите

Повеќето луѓе мислат дека само најбогатите луѓе можат да си дозволат банкарска сметка во Швајцарија. Сепак, ова е обична заблуда. Ако имате 18 години и имате валиден пасош, вие можете да отворите сметка во било која швајцарска банка.

Одредени банки сигурно имаат дополнителни услови, вклучувајќи доказ за приходите и минимум депозит. Исто така, кај одредени елитни швајцарски банки, тој минимален депозит може да достигне и до 100.000 долари. Други швајцарски банки имаат услов од минимален влог од 10.000 долари, износ на пари што некои луѓе никогаш не го виделе на својата сметка.

Сепак, во швајцарските банки можете да бидете 100 проценти сигурни дека вашите заштеди се целосно обезбедени.

Токму поради безбедноста и сигурноста на парите, швајцарските банки често наплаќаат повисок надомест за одржување на банкарските сметки. Пред да се одлучите да ги оставите парите во некоја од швајцарските банки, треба да ги знаете дополнителните трошоци, но и да ги видите придобивките кои овие банки ги нудат.

Доколку барате сигурност за вашиот капитал, тогаш швајцарските банки се дефинитивно правиот избор за вас. Но, доколку барате поголеми приходи од камати, тогаш бегајте подалеку од банкарскиот систем во Швајцарија, бидејќи сигурноста која тој ја нуди го зема данокот врз каматните стапки кои се екстремно ниски, а во последно време често и негативни.

Странски банки

Дали кинеските банки ќе доминираат со блокчејн платформите?

Објавено

на

Кинеската банка CCB успеа да надмине 50 милијарди долари во трансакции, најмногу благодарение на примената на новата напредна платформа која е базирана на блокчејн технологија. Новата платформа BCTrade 2.0 беше лансирана во април 2018 година и користи напредни блокчејн инструменти за банкарски трансакции на клиентите на Chinese Construction Bank, па така за прв пат сумата достигна до импресивни 53 милијарди долари обрт што покажува дека инвестициите на банките во нови технологии дава резултат.

CCB дава голема поддршка на кинеските извозни фирми, па така голем дел од трансакциите се однесуваат токму на нив со што извозот значително се подобрува, како и брзината на трансакции помеѓу други финансиски и нефинансиски институции, потенцираат од раководството.

Платформата со блокчејн способности нуди факторинг и други видови на среднорочни извори на финансирање на компаниите на кои им треба свеж капитал за да ги зајакнат извозните активности, особено во периоди кога имаат засилени нарачки или пак планираат пазарна експанзија.

Со платформата управува подружницата Jianxin Financial Services со фонд на располагање од 230 милиони долари за оперирање и одржување на BCTrade 2.0. Оваа фин-тек компанија која е со седиште во Шангај исто така беше формирана во април минатата година.

„Овој потег е во согласност со економскиот план на Кина за промовирање на трговијата во рамките на иницијативата за Еден пат еден појас и за развој на реалната економија во земјата“, се вели во изјавата на банката.

Сите четири големи државни комерцијални банки во Кина – CCB, Индустриска и Комерцијална банка на Кина, Банка на Кина и Земјоделска банка на Кина – започнаа иницијативи за финансиски услуги базирани на блокчејн во изминатите две години.

ICBC, најголемата банка во светот по средства, ја искористи својата блокчејн платформа за да им помогне на малите и средни компании во факторинг-трансакциите. Банката стигна до бројка од 1.300 корисници со трансакции од 6,4 милијарди долари во првите девет месеци од нејзиното работење кое започна во минатиот февруари.

Банката на Кина го обработи својот прв меѓународен трансфер на пари во Јужна Кореја во долари преку својот патентиран систем на плаќање базиран на блокчејн минатиот август, додека пак Земјоделската банка на Кина им помогна на земјоделците да тргуваат преку интернет со користење на својот систем за финансирање на средства за електронска трговија во август 2017 година.

Централната банка на Кина започна да ја води платформата за трговија со финансии во септември 2018 година, за да им помогне на малите и средни компании да стигнат до финансии во областите меѓу Хонг Конг, Макао и провинцијата Гуангдонг во јужна Кина.

Продолжи со читање

Странски банки

Германските банки создаваат гигант вреден 260 милијарди евра!?

Објавено

на

Планот за формирање на централна институција за сите 384 германски штедилници доби нов мотив од неколку друштва за управување со фондови „Landesbank“ и „Дека“, со што би создале гигант вреден 260 милијарди евра. (more…)

Продолжи со читање

Странски банки

ЕЦБ спроведе стрес тест: Колку банките се отпорни во случај на нова тешка финансиска криза?

Објавено

на

Повеќето кредитни институции во еврозоната се добро подготвени доколку клиентите се одлучат за нагло повлекување на своите депонирани пари. Во принцип, ликвидната состојба на банките во еврозоната е „удобна“ и покрај некои слабости, велат супервизорите на Европската централна банка, кои спроведоа специјален стрес-тест во кој учествуваа 103 финансиски институции. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange