Connect with us

Колумни

Позитивниот однос на работа може да биде клучот за вашиот успех

Објавено

на

Одржувањето на позитивен став на работа ќе биде од корист за вашата кариера и ќе ве насочи кон унапредување. Речиси 36% од анкетираните професионалци на LinkedIn се согласуваат дека позитивниот став е најважниот квалитет што работодавачите го бараат во кандидатите и членовите на тимот.

Сепак, одржувањето позитивен став на дневна основа на работното место е потешко отколку што може да замислите. Работата е стресна и предизвикувачка, а повеќето професионалци се соочуваат со рокови и пречки на неделна (ако не и дневна) основа. Работата не е средина која поттикнува позитивен став – навистина мора да работите на тоа.

Во продолжение споделуваме со вас како можете да го пренесете вашиот позитивен став на работа на вашите колеги и претпоставени, како и зошто е важно и како ќе имате корист од оваа промена на ставот.

КАКО?

Зборувајте позитивно

Без разлика колку долго работите во некоја компанија и колку удобно се чувствувате со колегите, никогаш не треба да користите вулгарности. Ако се случи да ви се “испушти” во ситуација на висок стрес, имајте предвид дека може да се случи во одредени ретки ситуации, но во никој случај не смеете да си дозволите да се случува редовно. Станува збор за професионално опкружување, а при употребата на вулгарност веднаш се активира негативна аура во околината.

Никогаш не критикувајте

Постои разлика помеѓу критиките и конструктивните повратни информации. Секогаш користете го методот каде што започнувате со пофалби на поединецот за нешто што го направил добро, притоа пропратено со сугестија за тоа како да ги подобри перформансите во иднина. Исто така, осигурајте се дека разговорот е приватен. Поединецот ќе ги почитува вашите повратни информации, а исто така ќе го почитува фактот дека на професионален начин сте го искажале вашиот став за ситуацијата.

Оддалечете се од озборување

Ништо не ја уништува повеќе тимската работа од озборување. Без разлика дали членовите на тимот ги озборуваат колегите или нивните лични проблеми, сосема избегнувајте ја ситуацијата. Ако сте случајно дел од разговорот, дејствувајте како слушател кој не дава никаков интерес или фидбек. Одржувањето на позитивен став на работа значи дека сте тимски играч кој ги почитува сите членови на тимот. Со тоа што се воздржувате да се приклучите на озборувачкиот круг, можете да бидете сигурни дека ќе го задржите нивото на почит.

Ставете ја тимската работа во прв план

Кога еден член на тимот ќе ја заврши работата добро, јавно посочете. Пофалби и комплименти за добро завршена работа се два едноставни и лесни начини за да се поттикне позитивна средина во тимот. Во истиот поглед, кога тимот се соочува со пречка, не заборавајте да понудите решенија, наместо да се фокусирате на негативите аспекти на ситуацијата. Пристапете кон секоја пречка со менталитет на “половина полна чаша” и ќе креирате позитивен изглед кој ќе се пренесе на остатокот од тимот.

Не се жалете

Секој ден не е добар ден – но не дозволувајте на сите во тимот да го знаат тоа. Можеби сте биле заглавени во сообраќајот тоа утро, или доцните поради друга причина на која не сте можеле да влијаете, но не можете да дозволите овие  ситуации да влијаат врз вашата работа. Ако сте во лошо расположение, осигурајте се да го исклучите пред да стигнете до канцеларијата. На тој начин, наместо да им се жалите на своите колеги за тоа колку е ужасно вашето утро, можете да се забавувате со својата лоша среќа и да се обидете од секого да извлечете насмевка. Насмевувањето на вашите несреќни околности ќе го задржи работното опкружување позитивно, додека “плачењето” ќе додаде негативност и ќе ja намали работната атмосфера во канцеларијата.

ЗОШТО?

Здравствени придобивки

Позитивен став е повеќе од смеење на работа. Тоа буквално придонесува кон вашето целокупно здравје. Стресот може да го влоши вашето здравје, особено кога го доживувате секојдневно. Овие секојдневни стресови почнуваат да го намалуваат здравјето и имунолошкиот систем. Ставете крај на тоа со цел да се осигурате дека секој работен ден че го пречекате позитивно.

Станете пример за другите

Луѓето ја избегнуваат негативноста, а воедно се провлечени од позитивност. Вашиот позитивен став на работа ќе им овозможи на вашите колеги да се чувствуваат удобно да доаѓаат кај вас со прашања или совети. Вие брзо ќе станете пример за другите и сојузник за многу членови на тимот кои ќе бидат класифицирани како одличен квалитет од претпоставените.

Пренесувате позитивност

Вашиот позитивен став ќе се прелее на вашите соиграчи. Никој не сака да биде груб и песимистички член на тимот, кога сите други се толку позитивни. Ќе поставите пример и на крајот создадете целосен тим на професионалци со позитивни ставови. Ова ќе ја зголеми ефикасноста на целокупната работна средина и ќе доведе до успеси за компанијата.

Ја преземате главната улога

Станавте главна улога во тимот, сосема е логично дека на раководството ќе му станејасно дека имате лидерски квалитети да го преземете следниот проект. Членовите на тимот ќе одговорат добро на вашето лидерство и ќе ви бидат дадени дополнителни одговорности кои ќе ви помогнат да се искачите едно скалило погоре на организационата шема во вашата компанија.

Биди следен за унапредување

На ист начин како што менаџерите бараат позитивен став кај потенцијалните кандидати за вработување, менаџментот исто така бара позитивен став во член на тимот кој е подготвен за унапредување. Позитивноста на работното место покажува дека можете да ги поттикнете членовите на тимот да ги надминат пречките и да работат заедно за да ги постигнат целите на компанијата. Како член на тимот со позитивен став, веќе ќе ги истакнете овие особини и затоа ќе бидете фаворизирани за унапредување.

 

Колумни

Што се даночни раеви и како големите корпорации ги користат?

Објавено

на

Даночните приходи ја одржуваат цивилизацијата во живот. Но, не сите даночни обврзници играат според истиот пакет на правила. Со помош на адвокати, сметководители и разни професионалци, богатите и добро поврзани лица избегнуваат да плаќаат трилиони долари данок. Останатите ја покриваме разликата – вложувајќи ги нашите пари за изградба на патишта, училишта итн. Даночните раеви го овозможуваат сето тоа. Според некои проценки, околу 10 проценти од вкупното производство на сите економии во светот е сместено во офшор финансиски центри, кои ги држат “школки” компании кои постојат само на хартија. Трошоците за државите, во загубен приход, се проценува дека надминуваат 800 милијарди долари годишно. (more…)

Продолжи со читање

Колумни

Користење на технологијата за напредок

Објавено

на

Технологијата оди со огромни чекори напред. Постојано знаеме да кажеме или прочитаме дека истата ќе ни ги земе работните места. Да, вистина е технологијата можеби ќе замени голем дел од нашата физичкa работа, но тоа во иднина ќе ни овозможи да се фокусираме на работи кои што не можат да се автоматизираат. Тоа е начинот на размислување и визијата која што мора да не води напред. Ако немаме визија и ако не започнеме да вложуваме во себе промените ќе не водат нас, наместо ние да ги водиме нив. Затоа влогот во себе е влог во иднината. Доколку сакаме спремни да ја дочекаме иднината мораме да се посветиме на учење, а не само на генерално подобрување во одредени области. (more…)

Продолжи со читање

Колумни

Фискален стимул за заздравување, забрзан економски раст и фискална консолидација

Објавено

на

Минатата недела се одржа првата заедничка научна конференција на Министерството за финансии и Македонската академија на науките и уметностите (МАНУ). (more…)

Продолжи со читање



Популарно