Примателите на пензија во НЛБ, Шпаркасе и Еуростандард Банка веќе можат да располагаат со својата декемвриска пензија. Поради новогодишните празници, пензиите за месец декември им беа исплатени неколку дена порано.

Со цел да излезе во пресрет на потребите на своите клиенти, Еуростандард банка започна исплатата на пензиите да ја врши во првиот работен ден во месецот без оглед дали истите се префрлени од страна на пензискиот фонд или не. На овој начин им се овозможува на пензионерите клиенти на Банката да располагаат со средствата од својата пензија уште во првиот работен ден во месецот.

Пред почетокот на новогодишните празници, Шпаркасе Банка на своите клиенти – корисници на услугата „Пензија на 1-ви“, ќе им ја исплати декемвриската пензија на 30-ти декември. „Пакетот за пензионери“ е креиран специјално според потребите на пензионерите, но негова главна предност е тоа што клиентите ја добиваат својата пензија – точно на 1-ви секој месец. Со ова прецизно, редовно и навремено исплаќање на пензиите, клиентите на Шпаркасе Банка можат практично и навремено да управуваат со своите средства.

“Ги известуваме сите клиенти – пензионери кои својата пензија ја примаат преку НЛБ Банка, дека пензијата за месец декември 2016 година, Банката ќе им ја исплати на 29.12.2016 година – четврток.” – се вели во соопштението објавено на веб страната на НЛБ Банка.