Пазарот на криптовалути деновиве беше под огромен притисок. Криптовалутата етериум падна за 35 проценти за неколку дена, а биткоинот се намали под 10.000 долари откако надмина 12.000 долари пред неколку дена, граница што упорно беше голема пречка за биткоинот оваа година.

И покрај „преполовувањето“ (тоа се случи во мај), засега едноставно не оди на повисоко ниво, пишува „Seebiz“.

Значително внимание привлече една статија во „Bloomberg” во која нивниот аналитичар Мајк МекГлоун забележува дека сите сценарија се можни. „Цената на биткоинот според некои проценки може да достигне и до 500.000 американски долари, но може и да пропадне и да дојде на нула. Треба да има повеќе можности за раст, бидејќи тој е идеален магацин со вредност заради ограничената понуда од една страна и сè полабавите политики на централните банки.”, изјави МекГлон.

МекГлоун верува дека биткоинот сè повеќе станува дигитална верзија на златото. Неговата ограничена понуда (до последните 21 милиони биткоини) и зголемената побарувачка на крајот може да ја изедначат пазарната вредност на биткоинот со пазарната вредност на златото.

„Тоа значи девет трилиони долари! Ако го поделиме износот со 21 милион биткоини „во оптек“, ќе добиеме цена за еден биткоин од 428.571 долари”, вели МекГлоун. Тој, исто така, предвидува дека до следната година, етериум ќе дојде на второто место според пазарната капитализација, веднаш зад биткоинот.