Connect with us

Платежни картички

Охридска банка врши замена на сите платежни картички со ново лого

Објавено

на

Охридска банка АД Скопје врши интензивна замена на платежните картички на своите клиенти, физички и правни лица. Во овој процес кој ќе трае до 30 Септември 2020 година, Банката ќе ги замени сите дебитни и кредитни картички на своите клиенти со нови картички, со логото на матичната групација Штаермеркише Шпаркасе.

На клиентите им се испраќаат известувања преку повеќе различни канали за комуникација, како писмо на домашна адреса, смс порака или вибер порака, електронска порака на меил и сл., дека можат да ја подигнат својата нова дебитна, или кредитна
картичка во својата матична експозитура.

Со подигнувањето на новата дебитна или кредитна картичка, клиентите во Банката ја враќаат старата картичка која ќе биде веднаш деактивирана.

Новите картички се подготвени за употреба веднаш, односно без дополнителни барања за активација на картичката што на корисниците ќе им овозможи непречен пристап до своите средства за подигнување готовина и домашни и меѓународни електронски плаќања.

Клиентите на Охридска банка кои имаат дебитни картички може да подигнуваат готовина без провизија на повеќе од 120 банкомати на Охридска банка и на Шпаркасе Банка Македонија, двете како дел од Штаермеркише Шпаркасе групацијата.

Сите нови дебитни и кредитни картички издадени од Охридска банка освен ново лого, се одликуваат и со можност за бесконтактни плаќања во трговија за износи до 2.000 денари.

Охридска банка АД Скопје апелира до своите клиенти независно од периодот на важност на нивната стара картичка, по добиеното известување од страна на Банката во најбрз временски период, најдоцна до 30 Септември 2020 година, да ги подигнат своите нови платежни картички. Доколку клиентите не ги подигнат картичките, Банката ќе го ограничи правото на користење на картичките кои нема да бидат навремено заменети, затоа е важно клиентите да извршат навремена замена во матичните експозитури.

За повеќе информации клиентите може да се обратат во контакт центарот на Охридска банка на телефонскиот број 02 15 050, или во мрежата на експозитури на Банката.

Домашни банки

„Еден потег, многу придобивки“ – Visa бонус кампања на Шпаркасе Банка

Објавено

на

Шпаркасе Банка АД Скопје во соработка со Visa ја лансираше бонус кампањата „Еден потег, многу придобивки“, која има за цел понуда на премиум услуга и додадена вредност за сите нови клиенти што ќе се одлучат да ја примат својата плата преку Банката. Кампањата ќе трае заклучно до 30.11.2022 година или до искористување на средствата предвидени за кампањата. (more…)

Продолжи со читање

Домашни банки

Комерцијална банка: Известување за продолжен рок на подарок картички Ист Гејт Мол

Објавено

на

Комерцијална банка ќе го продолжи рокот на важност на подарок картичките за трговскиот центар Ист Гејт Мол кои истекуваат во периодот 30.08-10.09.2022 година со цел да излезе во пресрет на потребите на клиентите, кои поради временото затворање на трговскиот центар Ист Гејт Мол не беа во можност да ги искористат подарок картичките. (more…)

Продолжи со читање

Платежни картички

Mastercard world: За патувања и живот со привилегии

Објавено

на

Доколку сте љубител на патувања, често патувате или тоа допрва ќе го правите, не двоумите се која платежна картичка да ја изберете како ваше средство за плаќање во странство. (more…)

Продолжи со читање

Популарно