Connect with us

Останато

Отворен првиот центар на стартап заедницата

Објавено

на

Сите што се заинтересирани да започнат свој бизнис од денеска можат да добијат првична поддршка и консултации, како и стручна поддршка од меѓународни експерти во Центарот за настани, вмрежување и едукација на иновативните претприемачи MKstartups Space што е сместен во поранешните простории на Фондот за иновации и технолошки развој (ФИТР) во Скопје и функционира под водството на Асоцијацијата Стартап Македонија.

Тоа е резултат на потпишувањето на Меморандумот за соработка меѓу Стартап Македонија и Фондот за иновации и технолошки развој со кој е овозможено отворањето на заедничкиот простор во кој ќе функционираат сите стартапи и младите луѓе кои сакаат и размислуваат да отворат сопствен бизнис.

“Сега е вистински подвиг да споиме уште еден важен дел во сложувалката, со цел градење и управување со „дом“ на стартап заедницата, физички простор и претприемачки центар, со што ќе ги споиме сите актери во македонскиот екосистем под еден покрив. Во MKstartups центарот ќе ја продлабочуваме соработката со компаниите која треба во иднина да придонесе до иновативни идеи, размена на знаење, вмрежување, како и аплицирање на активни програми за финансиска поддршка”, рече Дејан Алексов, претседател на Стартап Македонија.

Тој нагласи дека потпишувањето на договорот за соработка помеѓу Стартап Македонија и ФИТР е прв чекор за поддршка од државата за стартап заедницата со отстапување на простор за основање на центарот.

Директорот на ФИТР Јован Деспотовски рече дека со меморандумот се формализира соработката со Старпат Македонија која посоти во последните две години и на тој начин се овозможува отворање на заеднички простор во кој сите стартап компании и сите млади луѓе кои сакаат и размислуваат да отворат сопствен бизнис и да останат во земјава можат да дојдат и да добијата консултации и стручна поддршка од страна на меѓународни експерти и претприемачи кои се носат во земајва со поддршка од Швајцарија.

“Резултат на соработката со Швајцарската Конфедерација и Стартап Македонија се повеќе од 80 стапртап компании кои ФИТР финансиски ги поддржува во изминитве две години за реализација на својот бизнис. Досега во тоа се вложени околу 2,5 милиони евра”, рече Деспотовски.

Тој најави дека веќе е побарано од Владата да се прошири годишната програма на ФИТР, а со тоа и буџетот за 2019 година, за реализација на уште еден повик за стартап компании. Најави дека новиот повик за финасирање на стартап компани ќе се реализира до крајот на годинава.

Стефан Томаџан, заменик шефот на Мисијата на Швајцарската амбасада порача дека македонскиот претприемачки екосистем изгледаше многу поинаку пред четири години кога Швајцарија реши да инвестира во него и да го поддржи.

“Имаше само неколку организации за поддршка што нудеа добар сервис, но се уште имаше многу малку донатори и многу лимитирани мерки од институциите за подобрување на претприемништвото. Четири години подоцна можеме да кажеме дека изгледа многу поразлично и сега Северна Македонија е водечка земја во регионот во развојот на екосистемот. За тоа сметам дека голем придонес има Стартап Македонија”, рече Томаџан.

Нагласи дека и во иднина ќе продолжи швајцарската поддршка за развој и раст на екосистемот.

Мирјана Македонска, директорката на проектот на УСАИД за развој на деловниот екосистем посочи дека УСАИД веќе две години активно работи на зајакнување на стартап заедницата во земјава и додаде дека е доделен грант за развој на дигиталната платформа за дигитализација на стартап заедницата.

“Тоа е со цел комуникацијата помеѓу сите засегнати страни – стартапи и други чинители да биде поинтензивна и поефикасна и сите да ги имаат истите информации во ист момент. Дигитализацијата е мошне важна и со неа Северна Мкедонија станува прва во регионот ако не и пошироко што ќе го дигитализира стартап екосистемот. Но, таа е само еден дел од мозаикот и многу е важо да се има и заедничка канцеларија каде сите чинители ќе може да се среќаваат повремено и да разменуваат искуства, а со тоа и Стартап Македонија да стане вистинска чадор организација која ќе ги обединува сите чинители во стартап заедницата”, рече Македонска.

Стартап Македонија веќе пет години активно работи на развојот на екосистемот во земјава со цел да биде конкурентен на глобалниот пазар и преку Швајцарската програма за претприемништво носи странски експерти кои со македонските стартапи споделуваат знаење, експертиза и новитети.

Останато

Фирмите што ќе остварат загуба годинава, нема да имаат обврска да исплатат К-15

Објавено

на

Правните субјекти кои оваа година нема да остварат добивка нема да треба да исплатат К-15 на своите вработени, но оние кои ќе остварат добивка, согласно закон и колективен договор треба да исплатат К-15 и други издатоци, изјави премиерот Зоран Заев, апелирајќи и до оние кои нема да остварат добивка, но имаат финансиска моќ да го сторат тоа. (more…)

Продолжи со читање

Останато

5 работи кои вработената на шалтер би сакала да ги знаете

Објавено

на

Порталот „Неа.мк” – портал наменет за припадничките на понежниот пол направи кратко истражување за жените кои работат во банка, на шалтер и секојдневно се соочуваат со „интересни“ ситуации. (more…)

Продолжи со читање

Останато

Поддршка за исплата на плати и за месеците октомври, ноември и декември

Објавено

на

Преку нов пакет економски мерки вреден 470 милиони евра Владата ќе се обиде во третиот квартал од годинава да го спречи падот на БДП од вториот квартал и со зголемена економска активност и јавна потрошувачка да предизвика раст на БДП во четвртиот квартал и на тој начин да создаде предуслови за растот на економијата од 4,8 проценти во 2021 година што неодамна го најави министерот за финансии Фатмир Бесими. (more…)

Продолжи со читање

Популарно