Преку Развојна банка на Северна Македонија , компаниите погодени од економската криза од корона вируост, ќе може да аплицираат за бескаматни кредити. Сите услови и потребни документи ги презентираше Кире Наумов, директор на Развојна банка на Северна Македонија.

– Денес е објавен јавниот повик за директна кредитна поддршка за мирко, макро и средни претпријатија преку Развојната Банка на С.Македонија. Ќе се кредитираат угостителството, туризамот и товарниот транспорт. Целта е да ги надминат ликвидносните проблеми во овој почетен период. Кредитите се со 0 проценти каматна стапка, рок на отплата 24 месеци и грејс период од 6 месеци.

Износите ќе зависат од бројот на вработени. За вработени до 10 лица – 5. 000 евра. Од 11 до 50 лица за износ до 15 илјади евра, и до 51 до 250 лица за износ до 30.000 евра. Минималниот износ е 3.000 евра. Почитувајќи ги препораките, целиот процес ќе се прави електронски. Неопходната документација ќе се доставува на мејл адреса kreditiranjecovid1@mbdp.com.mk.

Обрнавме големо внимание да го олесниме значително процесот за апликација. Документите кои ќе бидат потребни се: тековна состојба, завршна сметка за 2019 година, потвра за платени даноци и придонеси од УЈП, потврда дека не се води стечај или ликвидација, ЗП образец од Централен регистрар. Треба и кредитна апликација која може да се симне од веб страната на Развојна банка и соодветни изјави.

Развојната банка го следи развојот на настаните и ќе биде поддршка на мирко, малите и средни претпријатија во овој период и тој потоа, односно период на закрепнување на економијата, рече Наумов.