Connect with us
P2_P_MK_1600x400

Осигурување

Осигурителниот пазар во последните 10 години со највисоки стапки, има перспективи за развој

Објавено

на

Осигурителниот пазар во земјава во последните 10 години бележи највисоки стапки, а перспективите ќе бидат уште поголеми со подигнување на свесноста кај граѓаните за потребата од осигурувањето и подобрувањето на животниот стандард.

Ова го истакнува Климе Попоски, претседателот на Агенцијата за супервизија на осигурувањето, кој од утре ќе учествува на Осигурителен супервизорски форум на високи претставници помеѓу Еврoпската комисија, а се одржува по иницијатива на АСО.

“Нашиот осигурителен пазар во последните 10 години бележи највисоки стапки на просечен годишен раст од продажба на полиси за осигурување споредено со просекот на земјите од Европска Унија и посебно споредено со земјите од централна и источна Европа. Просечниот годишен раст на премиите во неживотно осигурување за перидот 2009-2018 година изнесува 39,9 отсто, додека во осигурувањето на живот за истиот период 500 отсто”, истакнува Попоски.

Тој додава дека просечниот 10-годишен раст во ЕУ регионот изнесува за неживот 0,6 отсто, додека во сегментот на осигурување живот има намалување од 0,2 отсто.

Оценува дека со  подигнување на свесноста кај граѓаните за потребата од осигурување, како и паралелно со процесот на подобрување на животниот стандард перспективите за развој на осигурувањето ќе бидат уште поголеми.

Осигурителен супервизорски форум на високи претставници помеѓу Еврoпската комисија, Европското регулаторно тело за осигурување и пензии (EIOPA) и регулаторните тела за осигурување од земјите на Западен Балкан првпат ќе се одржи утре во Франкфурт, Германија.

“Организацијата на Форумот е резултат на иницијативата на Агенцијата за супервизија на осигурување и последица од работната средба во февруари оваа година помеѓу претседателот на Советот на експерти на АСО, Климе Попоски и високи претставници од кабинетот на Комисионерот Јоханес Хан”, наведуваат од АСО.

Целта на иницијативата, како што велат од Агенцијата, претставува предизвиците во имплементацијата на европските осигурителни директиви во националните законодавства на земјите од Западен Балкан, зајакнување на дијалогот помеѓу регулаторните тела од регионот и Европското регулаторно тело за осигурување и пензии, како и јакнење на супервизорските капацитети и практики за поголема стабилност на осигурителниот сектор.

Во рамките на Форумот покрај претставувањето на актуелните предизвици од областа на регулативата и супервизијата во осигурувањето од страна на претставниците од земјите од Западен Балкан, претседателот на Агенцијата за супервизија на осигурување, Климе Попоски ќе има излагање во име на земјите на Западен Балкан на тема „Економски развој и преглед на осигурителната индустрија во регионот на Западан Балкан“.

Осигурување

Доброволниот трет пензиски фонд носи предности и за вработените и за компаниите

Објавено

на

Вработените може да бидат наградени преку уплата во доброволниот, трет пензиски фонд, а истото носи поволности и за компаниите. Оваа и другите предности и за вработените и за компаниите од уплата во третиот, доброволен пензиски фонд, беа презентирани на денешната работилница „Како до посреќни вработени во ИКТ компаниите“, организирана од Стопанската комора за информатички и комуникациски технологии (МАСИТ) во соработка со КБ Прво пензиско друштво АД Скопје. (more…)

Продолжи со читање

Осигурување

КРОАЦИА ДОМИНИРА: 70% од полисите се издадени од Кроациа Осигурување – Живот

Објавено

на

Во период од 6 (шест) месеци во Македонија склучени се вкупно 13.500 полиси за животно осигурување. (more…)

Продолжи со читање

Осигурување

Илон Маск се насочува кон осигурителниот бизнис

Објавено

на

Производителот на електрични автомобили Tesla објави дека ќе започне со осигурителни услуги. Првично, оваа услуга ќе биде достапна само во најголемата компанија за електрични автомобили во Калифорнија, но се очекува да влезе и во други американски држави. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange