Во земјава околу 15.000 работни места се изгубени за време на корона пандемијата, соопшти денеска министерот за економија, Крешник Бектеши, повикувајќи се на податоците од Агенцијата за вработување.

Министерот Бектеши не верува дека враќањето на дијаспората го зголемува бројот на невработени, ниту досега, како што рече, имал прилика да види такви анализи.

„Според анализите што ги добивам јас и Владата, работни места што се изгубени во пандемијата се околу 15.000, согласно податоците на Агенцијата за вработување. Не сум видел анализи во насока на тоа дека дијаспората го зголемјува бројот, но имало наши сограѓани кои биле дел од сивата економија“, рече Бектеши по потпишувањето на Меморандумот за соработка со Стопанската комора на северозападна Македонија.