Connect with us

Кредити

Од утре започнува аплицирањето за бескаматната кредитна линија „Ковид 4” на Развојната банка

Објавено

на

Од утре започнува аплицирањето за бескаматен кредит од кредитната линија „Ковид 4“. Јавниот повик за оваа кредитна линија беше објавен на 7 јули 2021 година, а ќе трае 20 дена, соопштија од Развојната банка.

За кредит со можност за грант компонента до 50 отсто, односно 15.000 евра, може да аплицираат трговски друштва од дејноста на угостителството, транспортот, туризмот и ивент индустријата; приватни здравствени установи (ПЗУ), трговци-поединци (ТП) и занаетчии од сите дејности. Субјекти кои користеле средства од Мерка 1 од петтиот сет економски мерки за финансиска поддршка на плати за февруари и март од Управата за јавни приходи (УЈП) и субјекти кои користеле кредит од „Ковид 3“ нема да може да користат кредит од „Ковид 4“. Субјекти кои користеле кредит од „Ковид 1“ и/или „Ковид 2“ и немаат неизмирени достасани обврски на денот на аплицирање (15 јули 2021) ќе може да користат кредит од „Ковид 4“.

Максималниот износ на кредит е 30.000 евра, додека минималниот износ на кредит е 3.000 евра. Кредитите од „Ковид 4“ ќе имаат грејс-период до 12 месеци и период на отплата до 42 месеци.

Износот на кредит кој може да биде одобрен за субјектите зависи од падот на приходите во 2020, во однос на 2019 година, и тоа:

(1) Субјекти со пад на приходи од 30 до 50 проценти може да аплицираат за максимален износ на кредит кој изнесува: 15.200 денари х 3 месеци х број на вработени; и

(2) Субјекти со пад на приходи над 50% може да аплицираат за максимален износ на кредит кој изнесува: 22.000 денари х 3 месеци х број на вработени.

Потенцијалните корисници на кредит од оваа кредитна линија, треба да имаат пад на приходите од најмалку 30 отсто во 2020 во однос на 2019 година, како и главница и резерви не помалку од 33 отсто од износот на бараниот кредит. Прнципот за одлучување за распределба на расположливиот фонд средства ќе биде „прв дојден, прв услужен“.

Корисниците на кредит од оваа кредитна линија ќе може да побараат грант компонента до 50 отсто од износот на кредит. Субјектите кои ќе покажат раст на вработените во 2021 во однос на 2020 за најмалку 5 отсто, ќе може да користат грант од 20 отсто. Субјектите кои ќе покажат раст на вкупните приходи за најмалку 10 отсто за истиот период, ќе може да користат грант од 30 отсто. Субјектите кои ќе ги зголемат и вработените и вкупните приходи, ќе може да користат грант од 50 отсто од износот на кредитот.

Поднесувањето на кредитните барања ќе се одвива по електронски пат на е-маил адресата: kreditiranjecovid4@mbdp.com.mk, почнувајќи од 15.07.2021 година од 09:00 часот, посочуваат од Развојната банка.

Кредити

Со мали дела до големи заштеди на енергија и пари со кредитот за енергетска ефикасност на Комерцијална банка и ЕБОР

Објавено

на

Со мали дела постигнете големи резултати. Кредитот за енергетска ефикасност на Комерцијална банка, како дел од GEFF програмата на Европската банка за обнова и развој (EБОР), Ви овозможува инвестиции во енергетски ефикасни решенија за намалени трошоци за енергија и грант до 20% од инвестицијата. (more…)

Продолжи со читање

Домашни банки

Промотивнa кампања за НЛБ кредитите за физички лица – без трошоци за одобрување и проценка до крајот на јуни

Објавено

на

Промотивната понуда за кредити на НЛБ Банка продолжува и во текот на месец јуни, кога за сите клиенти кои ќе аплицираат за некој од НЛБ Кредитите се овозможени низа промотивни поволности. (more…)

Продолжи со читање

Кредити

Објавен јавниот повик за проектот „Купи куќа, купи стан”

Објавено

на

Граѓаните од денеска ќе можат да аплицираат за субвенција за станбен кредит од државата преку проектот „Купи куќа, купи стан”, информират од Министерството за финанси. Граѓаните преку јавниот повик кој е објавен ќе можат да поднесат барање, заклучно со 31 август 2022 година, за државна субвенција на учеството или на месечната рата за купување на нов стан или изградба/купување на нова куќа. (more…)

Продолжи со читање


Популарно