Connect with us

Платежни картички

Од понеделник (29-ти јуни), УНИБанка започнува со издавање на Домашните платежни картички – КУПУВАМ ДОМАШНО

Објавено

на

УНИБанка АД Скопје е една од деветте банки преку кои се издава „Домашната платежна картичка“, која е дел од третиот сет на мерки на Владата на Република Северна Македонија за поддршка на одредени групи на граѓани и на домашната економија.

Во интерес на граѓаните УНИБанка ги изработи сите картички кои почнувајќи од понеделник 29-ти jуни, корисниците ќе може да ги подигнат преку експозитурите на банката. Картичките ќе бидат распределени по клиенти според податокот за адреса на живеење доставен од страна на Владата на РСМ.

Картичките се распределени по експозитурите на банката на следниот начин:

1) Клиенти кои според податокот за адреса на живеење доставен од страна на Владата на РСМ се од скопскиот регион, се поделени по експозитури на банката во Скопје според првата буква од името на корисникот и тоа:

  •  А; во експозитура Централа
  • Б, Д, Е, Џ; во експозитура Плоштад Македонија
  • Г, Ѓ, И, Ф, Х; во експозитура Скопјанка
  • Ј, К, Л, Љ, Н, Ќ; во експозитура Аеродом
  • М, О, П; во експозитура Кисела Вода
  • Р, С, Ш; во експозитура Лептокарија
  • Т, У, В, З; во експозитура Ѓорче Петров

2) Клиенти кои според податокот за адреса на живеење доставен од страна на Владата на РСМ се од внатрешноста на државата, се поделени по експозитури на банката во соодветниот град, или доколку нема експозитура на УНИБанка, во најблиската експозитура според адресата на живеење.

Дополнително корисниците за кои Банката располага со податок за мобилен телефонски број ќе добијат СМС порака со информација за експозитурата во која треба да ја подигнат својата картичка.

За подигнување на картичките, од УНИБанка апелираат аздолжително со себе клиентите да понесат валиден документ за идентификација (лична карта или пасош). За малолетно лице, корисник на домашна платежна картичка, кое нема валиден документ за идентификација, задолжително е присуство на родител/старател и носење на документ – извод од матична книга на родени.

Воедно, од УНИБанка сакаат да ги информираат граѓаните дека со Уредбата на Владата на Р. Северна Македонија средствата на оваа платежна картичка ќе можат да ги користат до 15-ти август 2020 година за купување на македонски производи.

УНИБанка како општествено одговорна компанија ја поддржува оваа иницијатива на Владата, а за граѓаните и компаниите во изминатиот перод банката презема значаjни активности со цел да одговори на предизвиците кои ни ги наметна оваа пандемија и да го олесни справувањето со последиците од неа.

Банката апелира до своите клиенти во овој период да ги извршуваат сите банкарски трансакции преку нивното електронско банкарство. Превземањето на бесплатнитемобилни апликации My Unibank и UNI Token е брзо и едноставно на мобилен телефон или таблет, а со тоа иматедостапност до сите банкарски услуги и производи од секаде и во секое време.

При посета на експозитурите, за поголема безбедност на клиентите и на вработените, УНИБанка замолува да се почитуваат мерките за спречување на пренесување на COVID-19 (задолжително носење на заштитна маска или марама и физичко дистанцирање).

За повеќе информации во врска со домашната платежна картичка и останатите новости и актуелни понуди, граѓаните можат да jа посетат веб страната на банката, да се обратат на e-mail: info@unibank.com.mk или директно да ја контактираат Банката на телефонските броеви:02/ 3 111 111 и 02/ 3286 100.

Платежни картички

Промотивна акција за Mastercard кредитните картички од Комерцијална банка за уживање во празничната магија

Објавено

на

Со Mastercard кредитните картички од Комерцијална банка дозволете си повеќе за време на волшебната и празнична сезона и исполнете ги своите и желбите на најблиските. (more…)

Продолжи со читање

Платежни картички

Компанијата Visa носи иновативни искуства за плаќање на Светското првенство во Катар 2022

Објавено

на

Додека светот го чека почетокот на Светското првенство во Катар 2022, компанијата Visa, Официјалниот партнер за технологија на плаќање на ФИФА, подготви мрежа за плаќања што ќе овозможи бесконтактни купувања низ сите официјални места, вклучително и осумте стадиони како и ФИФА Фан Фестивалот. Со повеќе од еден милион фанови кои се очекува да патуваат во Катар на турнирот, Visa инсталираше 5.300 бесконтактни терминали за плаќање на официјалните места на ФИФА, што го прави Светското првенство во Катар турнирот на ФИФА со најмногу исплати досега. Visa ќе проба и нови иновации за плаќање за да им овозможи на фановите лесен пристап до едноставни и безбедни дигитални начини на плаќање. (more…)

Продолжи со читање

Домашни банки

Ново од Комерцијална банка – лимити за онлајн плаќање за уште поголема заштита на вашата картичка

Објавено

на

За максимално задоволство и сигурност при плаќање онлајн со картичка, Комерцијална банка им овозможи на своите клиенти лимити за онлајн трансакции. Со оваа корисна и практична услуга клиентите добиваат уште поголема безбедност и заштита од злоупотреба на нивната картичка. (more…)

Продолжи со читање

Популарно