Connect with us

Криптовалути

ОГРОМЕН ПОРАСТ НА КРИПТОВАЛУТИТЕ – Забележан раст на вредноста од 114 милијарди долари за само 24 часа!

Објавено

на

Цената на биткоинот минатата ноќ се искачи близу 39.000 американски долари за прв пат од средината на јуни, бидејќи се зајакна расположението на пазарите со криптовалути по неодамнешната продажба.

Најголемата дигитална валута во светот се тргуваше со околу 38.059,84 долари пред полноќ источно време, според „CoinDesk”, што е скок од речиси 11 проценти во споредба со 24 часа претходно, и во еден момент за време на тргувањето дури достигна цена од 39.544,29 долари, највисоко ниво од 16-ти јуни.

Растот на биткоинот ги поттикна и другите криптовалути. Етериумот ја зголеми својата вредност за 5,9 проценти на над 2.299,55 американски долари, пренесува „CNBC”.

Целиот пазар на криптовалути забележа раст на вредноста од повеќе од 114 милијарди долари за само 24 часа, покажуваат податоците на порталот „Coinmarketcap.com”.

Закрепнувањето доаѓа по изјавите на водечките луѓе на некои светски компании на конференцијата „Б-свет“ што се одржа по неодамнешниот стрмен пад на биткоинот под нивото од 30.000 американски долари за еден коин, предизвикана од глобална продажба што предизвика стравувања дека колапсот на најстарата криптовалута на светот може да се продлабочи.

Извршниот директор на „Tesla”, Илон Маск, на настанот објави дека компанијата најверојатно ќе започне повторно да прифаќа биткоин за набавка на своите возила, благодарение на зголемената транзиција кон обновливи извори на енергија при ископувањето на таа дигитална паричка.

Претходно, во мај годинава, „Tesla” ја суспендираше можноста за купување возила за биткоини поради, како што наведе, загриженост поврзана со забрзаниот раст на употребата на фосилни горива „во ископувањето на таа виртуелна валута“.

Покрај тоа, оптимизмот на учесниците во тргувањето со дигитални пари го подигна гигантот за електронска трговија „Амазон“, кој објави дека ќе го прошири својот тим со ангажирање експерти во дигитални валути и блокчејн, што сугерира дека може да ја испита можноста за плаќање со биткоин и други криптовалути.

Криптовалути

(ВИДЕО) Спојувањето на етериум може да ја поттикне цената на биткоинот нагоре!?

Објавено

на

Популарниот крипто-аналитичар Бенџамин Кауен анализира како етериум може да ја поттикне цената на најпознатата криптовалута биткоинот нагоре. (more…)

Продолжи со читање

Криптовалути

МАКЕДОНЦИТЕ “НЕ СЕ ЗАИНТЕРЕСИРАНИ” ЗА КРИПТОВАЛУТИ – Македонија последна во регионот по бројот на инвеститори во криптовалути

Објавено

на

Во Србија во криптовалути инвестирале 127.461 инвеститори, што ја прави прва во јадранскиот регион по бројот на инвеститори во криптовалути во однос на бројот на жители, објави порталот „Bloomberg Adria“, повикувајќи се на анализата на компанијата „TripleA“. (more…)

Продолжи со читање

Криптовалути

Цената на најпознатата криптовалута повторно во надолен тренд по неколкудневниот раст

Објавено

на

Цената на биткоинот повторно падна откако во саботата го достигна највисокото ниво од средината на јуни, поради оптимизмот дека пазарот можеби веќе го достигнал дното. (more…)

Продолжи со читање


Популарно