Во текот на вчерашниот ден најпознатата криптовалута во светот, биткоинот падна под 30.000 долари, првпат од 22 јуни, повлекувајќи и други дигитални валути надолу.

Според „Coinmarketcap”, околу 98 милијарди долари се избришани од целиот крипто пазар за 24 часа, пренесува „CNBC”.

Биткоинот падна за повеќе од 6 проценти на 29.998 долари, етериумот потона за речиси 9,0 проценти, додека „XRP” се сруши скоро 10 проценти, според податоците од платформата „CoinDesk”.

Падот на биткоинот се случи по големата распродажба на глобалните берзи.

Од средината на април годинава, кога достигна вредност од скоро 65.000 американски долари, биткоинот падна за повеќе од 50 проценти.

Постои загриженост за квалитетот и силата на економското закрепнување, што предизвика голема распродажба на глобалните пазари на капитал и пад на вредноста на ризичните средства, објаснува Анабел Хуанг, партнер во компанијата Амбер Група за финансиски услуги во криптовалута тргување.

„Со неодамнешното ослабување на биткоинот, ова само дополнително го намали пазарот на крипто“, додаде таа.