Халкбанк АД Скопје е брзорастечка банка составена од тим од млади, амбициозни и мотивирани вработени. Во согласност со нашата стратегија, ние сме секогаш отворени за нови, едуцирани, трудољубиви, високо мотивирани и талентирани кандидати за вработување. Истовремено, на членовите на нашиот тим им нудиме одлични работни услови, конкурентни примања и бенефиции, како и континуиран кариерен и професионален развој, кои што ја рефлектираат улогата на Банката како водечка финансиска институција во локалниот финансиско-банкарски сектор.

Согласно тековните потреби, процеси и активности во Халкбанк АД Скопје, објавуваме оглас за прием на нововработени во следните филијали на Банката:

Референти за банкарски операции во филијала Скопје (Референца Бр. 005/2019), во филијала Струмица (Референца Бр. 006/2019), филијала Штип (Референца Бр. 007/2019) и филијала Радовиш (Референца Бр. 008/2019)

Халкбанк АД Скопје има потреба од лица кои се ориентирани кон грижа за клиентите, на работна позиција Референт за банкарски операции која опфаќа: прием, администрација и реализација на барањата на клиентите, вкрстена продажба, директен маркетинг на производите и услугите на Банката како и редовни парични и шалтерски операции.

Потребни квалификации и карактеристики:

•   Универзитетска диплома од областа на економските и деловните науки;
•   Без работно искуство, а кандидатите со работно искуство на иста или слична работна позиција до 3 години во финансиска институција – банка, во процесот на селекција ќе имаат предност согласно нивното претходно работно искуство;
• Познавањето на банкарските операции со готови пари, контакти со клиенти ќе се смета за предност;
• Познавањето на англиски јазик е задолжително, додека познавањето на турски и/или албански јазик ќе се смета за предност;
• Ориентираност кон клиенти;
• Чесност и доверливост;
• Ориентираност кон маркетинг и промоција;
• Одлични комуникациски вештини;
• Ориентираност кон решавање на проблеми и критичко размислување;
• Професионален изглед и однесување.

Потребно е кандидатите да имаат познавања од најновите компјутерски технологии кои се во широка употреба.

Доколку сте заинтересирани за позицијата, ве охрабруваме да аплицирате најдоцна до 28.07.2019 година, на следниов е-маил: career@halkbank.mk со назнака на соодветната Референца согласно градот за кој што аплицирате.

Пример: Референт за банкарски операции во филијала Струмица (Референца бр. 006/2019).

За да аплицирате, потребно е да ни го доставите вашето резиме (CV) на англиски јазик со фотографија, мотивациско писмо и препораки. Со доставувањето на вашата апликација потврдувате дека прифаќате вашата апликација и лични податоци да бидат земени во предвид за идните потреби од нови вработувања на Банката.

Во процесот на селекција, само кандидатите кои ќе влезат во потесниот круг ќе бидат контактирани и повикани на тестирање и/или интервју.