Стопанска Банка а.д. Битола, за своите потреби од ангажирање стручен кадар, објавува оглас за вработување на извршител/и на работното место стручен соработник за проценки за потребите на Службата за управување со имот. 

Заинтересираните кандидати треба да ги исполнуваат следните услови:

• Завршено високо образование;
• Да ги поседува потребните уверенија за положени испити – лиценци со положена обука за проценка на вредноста од областите: недвижен имот, подвижен имот, транспортни средства, информатичка технологија, машини и опрема, капитал и трговски друштва и други правни лица, побарувања и обврски, земјоделство (жива стока, стада, насади, род и др.), индустриска сопственост;
• Напредно познавање на регулативата поврзана од областа на проценување;
• Познавање на меѓународните стандарди за процена (IVS / EVS – TEGOVA) ќе се смета за предност;
• Прецизност, точност, аналитичен и етички пристап во текот на работењето;
• Проактивен пристап во работата, професионална етика, способност за тимска работа, одлични комуникациски и организациски вештини;
• Најмалку пет години работно искуство во согласност со образованието;
• Најмалку една година работно искуство во областа на процена;
• Одлично познавање на англиски јазик;
• Одлично познавање и работа на компјутер (MS Office);
• Возачка дозвола – Б категорија.

Работни задачи и одговорности на работното место:

• Изготвување на наоди и мислења за утврдување на пазарната вредност на понудените колатерали, недвижен имот, подвижен имот, машини и опрема и др.;
• Анализа на формалните и вредносните аспекти на понудените колатерали;
• Евалуација, репроценка и ажурирање на пазарната вредност на претходно заложен имот и на колатералите во Банката;
• Мониторинг, известување, контрола и иницирање на корективни активности поврзани со колатералите;
• Изработка на редовни извештаи за реализираните активности во текот на претходниот месец;
• Познавање на постојната регулатива и други акти за проценка, како и меѓународните стандарди за проценка (IVS и/или EVS) со континуирано следење на промените преку обуки и лична професионална надградба;
• Одговорност во врска со следење на пазарните движења во делот на недвижниот и подвижниот имот.

Потребата за ангажирање на извршител/и на ова работно место се однесува за Битола или Скопје и за определено време, со полно работно време од 8:30 до 16:30.

Заинтересираните кандидати да испратат мотивациско писмо и кратка биографија (CV) на македонски јазик (по можност со фотографија), на следната адреса: hr@stbbt.com.mk, најдоцна до 18.07.2022 година, со назнака во Subject: „За огласот за вработување стручен соработник за процена“.