НЛБ Банка е една од водечките Банки во Р.С.Македонија и лидер на пазарот во делот на современи банкарски услуги. Својот успех го темели на тимот на посветени вработени, висококвалитетните стандарди во работењето, модерната инфраструктура на информатичката технологија и успешната пазарна стратегија.

Доколку сакате да работите во областа на евиденција и плаќање на обврските на Банката кон трети лица по основ на користени добра и услуги, примена на даночната регулатива и интерните даночни политики на Банката и НЛБ Групацијата, Секторот за финансиско управување нуди можност за зајакнување на својот тим на успешни професионалци, НЛБ Банка Ве поканува и мотивира да се пријавите на отворената работна позиција:

Соработник за сметководство

Улога во тимот:

• Старателство на податоци, шеми на раскнижување на приливи и одливи од жиро-сметката на Банката кон/од аналитичките евиденции и примена на законски одредби и интерни акти од областа;
• Решавање на спорни приливи и на рекламации на приливи на жиро сметката на Банката;
• Следење на наплата на побарувања од купувачи, координација со надлежни служби, пренос на сомнителни и спорни побарувања;
• Изработка на излезни фактури, раскнижување приливи врз основа на излезни фактури, следење и наплата на побарувањата;
• Работа во полето на даноците: персонален данок на доход, данок од добивка, донации и спонзорства, трансферни цени, задржан данок;
• Подготовка прегледи/извештаи од областа за потребите на одлучување на Банката, НЛБ Групацијата и надворешни институции;
• Примена на законска регулатива од даночната област, примена на политика на даночен штит, даночен консалтинг во Банката, подготовка на прегледи/извештаи од даночна област;
• Комуникација со членките на НЛБ Групацијата по однос на побарувања, обврски и трошоци по интерни односи;
• Комуникација со надворешни институции како Управа за јавни приходи, НБРМ и други органи и институции.

Вашиот профил:

• Висока стручна подготовка (од економска или друга насока);
• Минимум 2 години во сегментот на финансии;
• Познавање од областа на сметководствените стандарди и даночна област ќе се смета за предност;
• Одлично познавање на MS Office – MS Excel и MS PowerPoint;
• Одлично познавање на англиски јазик;
• Изразени иницијатива, комуникациски и тимски способности, темелен пристап кон работата и спремност за промени.

Мотив да се придружите на НЛБ тимот:

• Препознатлив регионален бренд и современо работно опкружување;
• Меѓусебната доверба и грижа за другиот се основни начела во работењето;
• Напредна обука и индивидуален кариерен развој;
• Менторство од врвни банкарски експерти;
• Конкурентен пакет на плата и бенефиции, приватно здравствено осигурување.

Заинтересираните кандидати своите кратки биографии можат да ги достават на следниот линк со избирање на работната позиција или на: nlbkariera@nlb.mk, најдоцна до 30.11.2022 година (среда).

Само кандидатите кои ги исполнуваат основните критериуми ќе бидат контактирани за следните чекори до конечниот избор. НЛБ Банка е работодавач кој нуди еднакви можности за сите.