НЛБ Банка е една од водечките Банки во Република Северна Македонија и лидер на пазарот во делот на современи банкарски услуги. Својот успех го темели на тимот на посветени вработени, висококвалитетните стандарди во работењето, модерната инфраструктура на информатичката технологија и успешната пазарна стратегија.

Службата за стратешко планирање и финансиски контролинг како носител на процесот на планирање и менаџерско известување е една од службите во Банката која постојано се развива и менува, прилагодувајќи се на современите трендови во банкарството.

Доколку сакате да бидете дел од тим кој работи во динамична атмосфера со прифаќање на секојдневни предизвици, а воедно да работите во тим во кој се негува тимската синергија и позитивната работна атмосфера, НЛБ Банка ве мотивира да се пријавите на отворената работна позиција:

Финансиски аналитичар
Сектор за финансиско управување

Улога во тимот:

• Координација на процесот на планирање оперативни трошоци во Банката,
• Координација на процесот на планирање инвестиции во Банката,
• Редовно следење на исполнување на планот, анализа на причините за отстапки во планот и подготовка на извештаи,
• Анализа на трошковна ефикасност и дефинирање на алокациски клучеви за распределба на трошоци со цел управување на профитабилноста на Банката
• Управување со податоци на Банката за цели на известување од подрачјето на работа,
• Учество во подготовка на стратешки и деловен план на Банката.

Вашиот профил:

• Универзитетско образование;
• Две години работно искуство во банкарска или друга финансиска институција (познавање на финансиски менаџмент, финансиско планирање и контролинг ќе се смета за предност);
• Одлично познавање на MS Office – MS Excel и MS PowerPoint (познавање на сегментот – управување со податоци и Power BI ќе се смета за предност);
• Одлично познавање на англиски јазик;
• Способност за аналитичко размислување, комуникациски и организациски вештини, способност за тимска работа, самоиницијативност и флексибилност;
• Одговорен пристап кон работата и подготвеност за навремено, квалитетно и професионално извршување на поставените задачи.

Мотив да се придружите на НЛБ тимот:

• Препознатлив регионален бренд и современо работно опкружување;
• Континуирани обуки и индивидуален кариерен развој;
• Конкурентен пакет на плата и надоместоци;
• Приватно здравствено осигурување.

НЛБ Банка ве поттикнува да се пријавите на наведениот оглас со доставување кратка биографија (CV) и мотивационо писмо во кое ќе ги образложите причините поради кои се пријавувате за ова работно место на mail: NLBКariera@nlb.mk, најдоцна до четврток – 20.04.2023 година.