НЛБ Банка е една од водечките Банки во Република Северна Македонија и лидер на пазарот во делот на современи банкарски услуги. Својот успех го темели на тимот на посветени вработени, висококвалитетните стандарди во работењето, модерната инфраструктура на информатичката технологија и успешната пазарна стратегија.

Службата за управување на односите со финансиски институции и меѓународно финансирање во рамки на Деловниот сектор за финансиски пазари и средства го зајакнува својот тим на успешни професионалци. Доколку сакате да работите со меѓународни и домашни финансиски институции и Банки, како и обезбедување на извори на финансирање на Банката, НЛБ Банка ве мотивира да се пријавите на отворената работна позиција:

Банкарски комерцијалист

Улога во тимот:

• Воспоставување, посредување, уредување и проактивно негување и развој на контакти и деловни аранжмани со банки и финансиски институции (осигурителни друштва, пензиски фондови, инвестициски фондови и други финансиски друштва);
• Промовирање, понуда и продажба на пакет производи на банки и финансиски институции преку централизиран пристап;
• Подготвување на предлози за висина на лимитите за изложеност, како и следење на состојбата на доделените лимити и предлагање соодветни промени;
• Анализа и обработка на финансиски податоци на банките и други финансиски институции;
• Водење на кредитно досие преку комплетирање на потребната документација за банки и финансиски институции;
• Обезбедување на поволни извори на финансирање за Банката со цел аранжирање на нови кредитни линии и субординирани кредити, како и обезбедување и учество во синдицирани заеми;
• Изготвување на целокупната документација за склучување на договори со домашни и странски кредитори преку координација и соработка со останатите сектори во банката и НЛБ дд Љубљана;
• Подготовка на прегледи и извештаи за изворите на средства како и мониторинг на исполнување на преземените обврски на Банката по основ на Договорите за кредит.

Вашиот профил:

• Универзитетско образование;
• Најмалку две години работно искуство во банкарски/финансиски сектор, искуство во сегментот со управување на односите со финансиски институции и меѓународно финансирање ќе се смета за предност;
• Напредно познавање на MS Office – MS Word, MS Excel, MS PowerPoint, MS Outlook
• Одлично познавање на англиски јазик;
• Изразени организациски, комуникациски и преговарачки вештини, иницијативност, способност за тимска работа, одговорен и темелен пристап кон работата.

Мотив да се придружите на НЛБ тимот:

• Препознатлив регионален бренд и современо работно опкружување;
• Континуирани обуки и индивидуален кариерен развој;
• Конкурентен пакет на плата и надоместоци;
• Приватно здравствено осигурување.

Потврдете го вашиот интерес со доставување на мотивациско писмо и кратка биографија (CV) на: NLBKariera@nlb.mk најдоцна до 22.02.2023 година (среда).