НЛБ Банка е една од водечките Банки во Р.С.Македонија и лидер на пазарот во делот на современи банкарски услуги. Својот успех го темели на тимот на посветени вработени, висококвалитетните стандарди во работењето, модерната инфраструктура на информатичката технологија и успешната пазарна стратегија.

Банката нуди одличен предизвик за примена на вашите лични компетенции и можност за надоградување во сегментот на присилна наплата. Службата за присилна наплата во рамките на Секторот за проблематични пласмани и интензивен третман на клиентите, го зајакнува својот тим на успешни професионалци. Доколку сакате да бидете дел од тимот и имате амбиција за унапредување на процесите, целите и активностите во сегментот на присилна наплата, НЛБ Банка Ве мотивира да се пријавите на отворената работна позиција:

Правник

Твоите работни цели:

• Квалитетно водење на портфолио на постапки за присилна наплата на физички лица и правни
  лица пред надлежни Извршители;
• Подготвување и преземање на сите потребни активности и дејствија во рамки на извршна постапка
  на начин и рокови согласно Законот за извршување;
• Изготвување и поднесување на стечајна или ликвидациона пријава на побарување согласно Законот
  за стечај и Законот за трговски друштва, како и преземање на сите потребни активности и дејствија во
  интерес на Банката, како доверител, во рамки на отворената стечајна или ликвидациона постапка за
  правните субјекти;
• Активно учество во процесот на продажба на побарување преку изготвување на писмени правни
  мислења, толкување на законски одредби и истакнување на правни ризици согласно позитивната
  законска регулатива за предложените продажби;
• Анализирање и истакнување на правни ризици за дејствија кои треба да се преземат во текот на
  постапките за присилна наплата и изнаоѓање решенија за нивно надминување и минимизирање,
  изготвување на писмени правни мислења и толкување на законски одредби во оваа насока;
• Предлагање на соодветни стратегии и решенија за успешна реализација на расположливите
  интрументи за обезбедување на паричните побарувања и постигнување на значителни резултати
  во наплатата на проблематичните пласмани во Банката.

Твојот профил:

• Универзитетско образование, Правен факултет;
• Минимум 2 година работно искуство во сегментот на присилна наплата;
• Познавање на законската регулатива од областа на присилно извршување, стечај, ликвидација, трговски друштва ќе се смета за предност;
• Високо развиени преговарачки,комуникациски вештини ангажираност, способност за управување со стрес и тимска работа;
• Напредно користење на дигитални алатки;
• Одлично познавање на англиски јазик.

Мотив да се придружите на НЛБ тимот:

• Препознатлив регионален бренд и современо работно опкружување;
• Меѓусебната доверба и грижа за другиот се основни начела во работењето;
• Напредна обука и индивидуален кариерен развој; менторство од врвни банкарски експерти;
• Конкурентен пакет на плата и надоместоци
• Приватно здравствено осигурување.

Заинтересираните кандидати своите кратки биографии можат да ги достават на следниот линк со избирање на работната позиција или на: nlbkariera@nlb.mk најдоцна до 23.08.2022 година (четврток).

Само кандидатите кои ги исполнуваат основните критериуми ќе бидат контактирани за интервју.

НЛБ Банка е работодавач кој нуди еднакви можности за сите.