НЛБ Банка е една од водечките Банки во Р.С.Македонија и лидер на пазарот во делот на современи банкарски услуги. Својот успех го темели на тимот на посветени вработени, висококвалитетните стандарди во
работењето, модерната инфраструктура на информатичката технологија и успешната пазарна стратегија.

Банката нуди одличен предизвик за примена на вашите лични компетенции и можност за надоградување
во сегментот на безбедноста.

Доколку во оваа работна позиција препознавте можност за напредување во вашата кариера, НЛБ Банка Ве мотивира да се пријавите на отворената работна позиција:

Овластено лице за безбедност

Твоите работни цели:

• Планирање и управување со имплементација на безбедносни стандарди (технички, механички и
  физички) во сите сегменти на работењето на Банката;
• Вршење на контрола од подрачјето на безбедност уредени во интерните акти на Банката
  (Експозитури, Банкомати, Трезор, Граѓански сефови, останати локации);
• Одредување на основни и дополнителни мерки за техничка, механичка и физичка безбедност на
  сите локации на Банката и преземените објекти;
• Подготовка и имплементација на интерни акти поврзани со делот на техничка, механичка и физичка безбедност;
• Давање на мислење за безбедносен аспект на локации на Банката за експозитури, банкомати,
  граѓански сефови и останати локации каде е потребно поставување на мерки за техничка,
  механичка и физичка безбедност;
• Учество во изработката на идејни решенија на проектите за изградба, адаптација или реновирање
  на сите локации на Банката каде е потребно да се имплементираат мерки за техничка, механичка и
  физичка безбедност;
• Kомуникација со сите внатрешни и надворешни институции во случаи на провала, кражба и
  други штетни настани како и доставување известувања и информации согласно интерните акти на
  Банката;
• Следење на настаните, евиденција и обезбедување на помош во случаи на закани кон
  вработените, како и подготовка и координација на соодветни мерки за заштита;
• Следење на иновациите во областа на безбедносните решенија и подготовка на проекти за
  подобрување на нивото на безбедност во Банката;
• Изработка на извештаи и известување од областа за безбедноста.
• Контрола на функционалноста на безбедносна опрема и квалитетот на безбедностите услуги од
  надворешните добавувачи;
• Одржување и контрола на системите за техничко обезбедување (со главен фокус на системи за
  видео надзор, алармни системи и системи за контрола на пристап);
• Спроведување на процедурите и упатствата на безбедносните системи на Банката;
• Спроведување обука од подрачјето на безбедност во насока на подигнување на безбедносната
  свест и култура на вработените.

Твојот профил:

• Универзитетско образование- универзитеско образование од областa на безбедност ќе се смета за
  предност;
• Познавање и следење на стандардите од областа на безбедноста;
• Компетенции за изготвување на извештаи, упатства за работа и процедури и давање на стручни мислења и советување во однос на техничките, механичката и физичката безбедност на локациите на
  банката и преземените објекти;
• Високо ниво на свесност за безбедносните процедури;
• Високо ниво на доверливост, интегритет и комуникациски вештини;
• Напредно користење на дигитални алатки;
• Одлично познавање на англиски јазик.

Мотив да се придружите на НЛБ тимот:

• Препознатлив регионален бренд и современо работно опкружување;
• Меѓусебната доверба и грижа за другиот се основни начела во работењето;
• Напредна обука и индивидуален кариерен развој; менторство од врвни банкарски експерти;
• Конкурентен пакет на плата и надоместоци
• Приватно здравствено осигурување.

Заинтересираните кандидати своите кратки биографии можат да ги достават на следниот линк со избирање на работната позиција или на: nlbkariera@nlb.mk најдоцна до 18.08.2022 година (четврток).

Само кандидатите кои ги исполнуваат основните критериуми ќе бидат контактирани за интервју.

НЛБ Банка е работодавач кој нуди еднакви можности за сите.