Од 1 март НЛБ Банка започна промотивна кампања за сите кредити за физички лица, За време на промотивниот период кој ќе трае до 31 мај, Банката ќе овозможи голем број на поволности кои ќе ги охрабрат корисниците да ги остварат своите желби и да зачекорат во нова животна приказна.

Имено, корисниците кои ќе аплицираат за потрошувачки, станбен или хипотекарен кредит во период од 1.03.2023г. до 31.05.2023г. ќе бидат ослободени од трошоците за одобрување и трошоците за проценка за кредитите со обезбедување хипотека на недвижен имот.

Доколку оваа прoлет се одлучите да започнете нова приказна и го изберете станбениот кредит на НЛБ Банка ќе го отплаќате со фиксна каматна стапка до 10 години. Како дополнителна поволност за станбените кредити е можноста за користење на бескаматен кредит за опремување на домот во соработка со Нептун Македонија, како и широка понуда на градежни компании со поповолни услови за кредитирање и одобрување на кредитот без нотарски трошоци.

Што се однесува до НЛБ Потрошувачките кредити, постапката за одобрување е брза и едноставна. Тие се одобруваат само со лична карта, без дополнителна документација. Кредитот се одобрува со една посета на експозитура или пак со само неколку клика на апликацијата за мобилно банкарство, доколку клиентите го изберат целосно автоматизираниот мобилен кредит кој е во износ до 10.000 евра.

Повеќе детали за сите кредитни продукти и промотивни понуди на НЛБ Банка клиентите можат да добијат на веб-страницата на Банката www.nlb.mk или преку контакт-центарот, на телефонскиот број: 02/15 600.