Connect with us

Форекс

Нов рекорд на индексот “S&P 500” на Волстрит

Објавено

на

На Волстрит вчера индексот “S&P 500” достигна ново рекордно високо ниво, исто како и “Nasdaq”, благодарение на подобрите од очекуваните деловни резултати на неколку компании.

“Dow Jones” падна за 60 поени, или 0,17 проценти, на 35.870 поени, додека “S&P 500” порасна за 0,34 отсто, на 4.704 поени, а индексот “Nasdaq” за 0,45 отсто, на 15.993 поени.

Најмногу вчера пораснаа акциите во потрошувачките и малопродажните сектори, благодарение на подобрите од очекуваните квартални деловни резултати на “Macy’s” и “Kohl’s”.

Заедно со претходните резултати на Волмарт и на Таргет тоа покажува дека американската потрошувачка е силна, поддржувајќи го натамошното закрепнување на најголемата светска економија од кризата со короната.

Записите на “S&P 500” и “Nasdaq” индексот се должат и на скокот на цената на акциите на “Nvidia” за повеќе од 8 отсто, откако производителот на чипови објави подобри резултати во третиот квартал од очекуваното.

Од друга страна, индексот “Dow Jones” падна по трет пат оваа недела, како резултат на остриот пад на цената на акциите на технолошкиот гигант Cisco.

Поради сето ова, изјавата на Џон Вилијамс, претседател на филијалата на ФЕД во Њујорк, дека инфлацијата се шири и може дополнително да се зајакне, остана во втор план. Минатата недела беше објавено дека потрошувачките цени во САД се зголемиле за 6,2 отсто на годишно ниво во октомври, што е најмногу во последните 30 години. Инфлацијата пет месеци по ред е над 5 отсто, што е значително над целта на американската централна банка од 2 отсто.

Инвеститорите стравуваат дека поради растот на цените на суровините и прекините во синџирите на снабдување, високата инфлација би можела да трае подолго отколку што се надеваа многумина, вклучително и ФЕД. Тоа би можело да ја принуди централната банка да ги зголеми клучните каматни стапки порано од очекуваното.

Форекс

Руски економист предупредува: Во егзотични валути не треба да се вложува!

Објавено

на

Најслабите средства во кои секако не треба да инвестирате се таканаречените егзотични валути, изјави за агенцијата „Prime“ инвестицискиот стратег на „BKC World of investments“, Александар Бахтин. (more…)

Продолжи со читање

Форекс

Пад на вредноста на ЕУ валутата – Еврото е пак под 1,13 долари!

Објавено

на

Курсот на еврото денеска повторно падна под прагот од 1,13 долари, објавија германските финансиски публикации. (more…)

Продолжи со читање

Форекс

Поради новиот сој на коронавирусот пад на вредноста на биткоинот за 8 проценти

Објавено

на

Вредноста на биткоинот денеска се намали за речиси 8 проценти по извештаите за нов сој на коронавирусот, кој потенцијално е отпорен на вакцина. (more…)

Продолжи со читање


Популарно