Штедилница Можности како дел од Проектoт на УСАИД за развој на деловниот екосистем, лансираше нов специјален кредитен продукт за поддршка на дејностите погодени од пандемијата – Кредит за поддршка на клиенти погодени од пандемијата  КОВИД-19!

Новиот кредитен производ е со каматна стапка од 0,00%, рок на отплата до 12 месеци и со можност за користење грејс период до 11 месеци. Кредитот е со максимален износ до 180.000 денари.

Со новиот кредитен производ, Штедилница Можности излегува во пресрет на сите претприемачи, индивидуални земјоделци и трговски друштва (фирми) кои извршуваат одредена стопанска дејност и на кои им е неопходен паричен капитал за обртни средства, за одржување на ликвидноста, солвентноста и за задржување на бројот на вработените во ова време на пандемија предизвикана од КОВИД-19.

Трошоците за кредитот се манипулативен трошок од 1% од износот на кредитот и месечна провизија за управување (МПУ) која се движи во рамките од 0,305% до 0,542%. Останати трошоци на кредитот се меница од 100 до 200 денари во зависност од износот на кредитот и интеркаларна камата во зависност од денот кога се реализира кредитот.

Дополнителни информации за новиот кредитен продукт можат да се добијат во сите експозитури на Штедилница Можности, профилите на социјалните медиуми како и на веб страницата.