Connect with us

Форекс

Нов колапс на акциите на Македонска берза, еврото со вредност од 61.6950 денари

Објавено

на

Исто како што е времето во март, крајно променливо и непредвидливо, такво е и движењето на МБИ10 индексот на Македонска берза. Само два дена траеја позитивните вибрации и пролетното „зеленило” кај акциите кои котираат на нашата берза.

Сепак, економската криза која ја предизвикува малиот, но многу опасен коронавирус не може така лесно да се надмине. По дводневниот раст, акциите доживејаа нов колапс во текот на вчерашниот последен ден за тргување на берзата.

Единствено акциите на Алкалоид АД Скопје забележаа пораст на својата вредност од 3,86 проценти, додека на сите останати акции драстично им се намали вредноста.

Најпогодени од падот на МБИ10 берзанскиот индекс беа акциите на НЛБ Банка АД Скопје кои забележаа огромен пад од 10,00%. Но, причина за овој висок пад на вредноста на акциите на НЛБ Банка е објавата дека Банката наместо да исплати дивиденди, ќе го послуша советот на Народната банка и ќе ја прераспредели остварената добивка за други цели.

Огромен пад на вредноста на акциите забележаа и ОКТА АД Скопје и Стопанска банка АД Битола, чиишто акции ја намалија вредноста за 9,98%, односно за 9,09%.

Падот на вредноста на МБИ10 индексот негативно се одрази и врз вредноста на акциите на Комерцијална банка АД Скопје кои забележаа пад од 8,88%, како и врз акциите на Макпетрол АД Скопје и Охридска банка АД Скопје кои ја намалија својата вредност за 8,70%, односно за 8,12 проценти.

Пад на вредноста на акциите забележаа и Гранит АД Скопје од 6,89%, ТТК Банка АД Скопје од 2,95% и Македонски Телеком АД – Скопје од 2,93%.

Според официјалниот среден курс на Народната банка на Македонија, денеска денарот спрема еврото има вредност од 61.6950 денари.

Курсот на денарот спрема доларот е на ниво од 56.1834 денари, британската фунта изнесува 67.5369 денари, додека пак швајцарскиот франк е 58.0167 денари.

Форекс

Која компанија ја зголеми вредноста на акциите за над 30 проценти?

Објавено

на

Новиот бран на вирусот Ковид-19 одново ги дестабилизира акциите на котираните друштва на Македонска берза. Кога се чинеше дека пандемијата полека стивнува и се гледа крајот, коронавирусот повторно зема замав, од ден на ден се зголемува бројот на новозаболени, а со тоа дополнително се зголемува и неизвесноста. (more…)

Продолжи со читање

Форекс

Еврото ја достигна највисоката вредност од средината на март

Објавено

на

Курсот на еврото во понеделникот на меѓународните пазари накратко достигна највисоко ниво од средината на март, а поризичните валути беа во добивка поради тоа што инвеститорите беа охрабрени од добрата вест од кинеската економија и знаците за олеснување на тензиите помеѓу САД и Кина. (more…)

Продолжи со читање

Форекс

Информацијата дека нема да исплаќа дивиденда, ја „сруши” вредноста на акцијата на Стопанска банка АД Скопје

Објавено

на

Иако, се чинеше дека вирусот Ковид-19 веќе е стабилизиран и дека кризата се надминува, сепак најновите случувања го тврдат токму спротивното. Коронавирусот повторно зема замав, се зголемува бројот на новозаболени со секој изминат ден, неизвесноста е огромна, како за идните случувања поради корона кризата, така и поради неизвесноста околу одржувањето на предвремените парламентарни избори. (more…)

Продолжи со читање

Популарно