Connect with us

НБРМ

Новогодишна честитка до граѓаните од Гувернерката на Народната банка

Објавено

на

Гувернерката на Народната банка на Република Северна Македонија, по повод новогодишните празници се обрати до граѓаните. Нејзината порака ја пренесуваме во целост:

Сите ние влегуваме во 2022 година носејќи го товарот што ни го наметна пандемијата на ковид-19, но верувам и со поголемо искуство, доблест и потврда дека и при најголемите предизвици, умееме да носиме правилни одлуки.

Во овие моменти, не може да не им оддадеме почит на здравствените работници и на науката, коишто ни овозможија да излеземе од „затворениот свет“ и полека да почнеме да се враќаме кон моделот на работа и живеење коишто наликуваат на претпандемичната нормалност. Светот докажа дека може да им одговори на крупните предизвици коишто го изменија нашето секојдневие. Човештвото покажа дека ако работи заедно, посветено и сплотено, може да најде решенија.

Но, пред нас и натаму стојат мноштво предизвици. Пандемијата за жал не стивнува, новите соеви на ковид-19 и натаму се појавуваат и се најголемиот причинител за неизвесноста во годината што следува. И на полето на економијата има низа предизвици видливи преку промените во глобалните синџири на снабдување на речиси сите производи, структурни приспособувања во глобалниот енергетски сектор, промени коишто ги чувствуваме во нашето секојдневие. Ние, како носители на политиките, ќе останеме доследни, и натаму ќе управуваме со предизвиците и ќе ги исполнуваме нашите цели, коишто се јавно добро. Народната банка, со целиот свој институционален капацитет, ќе продолжи со работа на одржувањето на стабилноста, што е предуслов за попредвидлив амбиент за носење одлуки.

Ви посакувам мирни и весели празнични денови и добро здравје, среќна и успешна Нова година!

НБРМ

Ангеловска-Бежоска на „Еуромани”: Главната цел на монетарната политика во криза е зачувување на стабилноста

Објавено

на

Главната цел на монетарната политика за време на пандемијата, како и сега со новите предизвици коишто ги донесоа енергетската криза и војната во Украина е зачувувањето на стабилноста. Иако двете кризи се од различна природа и бараат различна реакција и поставеност на монетарната политика, крајната цел е иста ‒ зачувување на макроекономската стабилност. Ова беше истакнато од страна на гувернерката на Народната банка, Анита Ангеловска-Бежоска, на панел-дискусијата „Реобмислување на улогата на централните банки” во рамките на Форумот на Централна и Источна Европа, организиран од „Еуромани”. (more…)

Продолжи со читање

НБРМ

Ангеловска-Бежоска: И во светот и кај нас сѐ уште се очекува економски раст за годинава

Објавено

на

Рецесија за годинава во моментот не се очекува. И покрај сите предизвици, сите релевантни меѓународни финансиски институции сепак предвидуваат економски раст, но забавен. Рецесија не се предвидува ниту со песимистичките сценарија на меѓународните институции, како ММФ, Европската Унија, Европската централна банка, туку дополнително забавување на растот, посочува гувернерката на Народната банка, Анита Ангеловска-Бежоска, во интервју за „Радио Слободна Европа“. Но, потребно е внимателно следење со оглед на природата на шокот и високата неизвесност. (more…)

Продолжи со читање

НБРМ

Ангеловска-Бежоска за РСЕ: Постепени и умерени промени во каматите за избегнување на негативните ефекти

Објавено

на

Покачувањето на основната камата од страна на централните банки е сигнал за период на повисоки камати и на штедните влогови и на кредитите, што ќе придонесе за зголемување на штедењето и намалување на потрошувачката заради намалување на притисокот за раст на цените од страна на побарувачката. Повеќе централни банки почнаа со нормализирање на монетарната политика, којашто беше олабавена за време на пандемијата. Ова е резултат на подолготрајните и пораспространетите ценовни притисоци, коишто дојдоа преку цените на примарните производи на светските берзи, односно од страната на понудата. Најважно е затегнувањето на монетарната политика да оди постепено, за да се избегнат негативни ефекти од нагло зголемување на каматите, посочува гувернерката на Народната банка, Анита Ангеловска-Бежоска во интервју за „Радио Слободна Европа“. (more…)

Продолжи со читање


Популарно