Connect with us

Домашни банки

Нови пет милиони евра од ЕБОР за подобрување на енергетската ефикасност во домовите

Објавено

на

Европската банка за обнова и развој (ЕБОР) преку Шпаркасе банка Македонија АД Скопје обезбеди нов финансиски пакет од пет милиони евра за подобрување на енергетската ефикасност во домовите во рамки на Фондот за Западен Балкан за финансирање на зелена економија (ГЕФФ II).

Средствата од заемот ќе бидат достапни за инвестиции во зелени технологии со високи перформанси, материјали и решенија во куќи и станбени згради во приватна сопственост. По успешното завршување на проектите, заемопримачите ќе имаат право на поврат на средства до 20 проценти, финансирани од Европската Унија.

Дополнително, ЕБОР обезбеди 20 милиони евра нефинансиран фонд за поделба на ризик на Шпаркасе банка, преку кој ќе гарантира до 50 проценти од постојната и новата корпоративна изложеност на заемодавателот, со што ќе се намалат пондерирањето на ризикот и барањата за капитал на тие заеми. Околу два милиони евра од пакетот ГЕФФ II се доделени на Охридска банка, која се спои со Шпаркасе банка Македонија АД Скопје.

-Со нетрпение очекуваме да работиме со Шпаркасе банка, која е докажан партнер на ЕБОР, со одличен учинок. Ќе продолжиме да ги поддржуваме инвестициите што придонесуваат за зелената транзиција. Со потпишувањето на овој пакет очекуваме да им дадеме дополнителен поттик на бизнисите во земјата преку обезбедување подобар пристап до финансии, помагајќи им да се опорават од пандемијата и да ја подобрат нивната конкурентност, рече Анди Аранитаси, раководител на канцеларијата на ЕБОР во Скопје.

Дејвид Гир, шеф на Делегацијата на ЕУ во Скопје порача дека со зголемувањето на енергетската ефикасност на зградите може значително да придонесеме за климатските цели, како и да им се помогнеме на домаќинствата и деловните субјекти да ги намалат трошоците.

„ГЕФФ обезбедува финансиска поддршка за такви инвестиции, како и за зголемена употреба на обновлива енергија. Тоа е дел од пошироката поддршка на ЕУ за спроведување на целите за климатските промени во Западен Балкан и закрепнување по економскиот пад предизвикан од пандемијата „Ковид -19″”, рече Гир.

Генералниот директор на Шпаркасе банка Македонија, Глигор Бишев посочи дека ги препознаваат предностите и придобивките од финансирањето проекти за подобрување на енергетската ефикасност кои, посочи, генерираат заштеда на енергија на локалниот пазар.

„Зелените заеми за промоција на енергетска ефикасност комбинираат придобивки за домаќинствата, добавувачите на енергетски ефикасни технологии и заштита на животната средина, што е во фокусот на нашата стратегија за корпоративна општествена одговорност”, рече Бишев.

Програмата ГЕФФ за подобрување на енергетската ефикасност се спроведува во Албанија, Босна и Херцеговина, Косово, Црна Гора, Северна Македонија и Србија. Нуди финансии за инвестиции во зелената економија во станбениот сектор, како и за бизниси кои обезбедуваат енергетска ефикасност и производи и услуги за обнова на енергијата за домаќинствата. Неодамна беше зголемена на 135 милиони евра како одговор на зголемената побарувачка. ГЕФФ се спроведува во рамките на Регионалната програма за енергетска ефикасност за Западен Балкан, кофинансирана со грантови средства од Европската Унија, Инвестициската рамка за Западен Балкан и Австриското федерално министерство за финансии.

Домашни банки

Дали сте размислувале колку пари и време ви заштедуваат дигиталните финансиски услуги?

Објавено

на

Сите сме сведоци на ултра брза дигитална трансформација. Замислете си само колку пати дневно извршувате дигитални трансакции? Сигурно никогаш не сте размислувале колку пари и време ви заштедува плаќањето преку интернет или мобилен телефон. Во маркети плаќате со картичка за неколку секунди и не чекате кусур. Не губите време ниту кога ви треба готовина, затоа што имате банкомат на секој чекор. Не трошите еден вработен за уплата на дневен промет секој ден затоа што и за тоа имате банкомат… (more…)

Продолжи со читање

Домашни банки

НЛБ Банка изврши дополнување и ажурирање на Општите услови за користење на трансакциска сметка

Објавено

на

НЛБ Банка АД Скопје ги информира своите почитувани клиенти дека изврши дополнување и ажурирање на Општите услови за користење на трансакциска сметка со 18.10.2021 година.

(more…)

Продолжи со читање

Домашни банки

НЛБ Банка со фантастична вест за акционерите – ќе ја подели и заостанатата дивиденда!?

Објавено

на

Изминатата пандемиска 2020 година, НЛБ Банка ги следеше инструкциите на Народната банка којашто советуваше банките да не исплаќаат дивиденда, па така Банката се воздржа и на своите акционери не им ја исплати заслужената награда. (more…)

Продолжи со читање



Популарно