Connect with us

Колумни

НОВА Е КОЛЕШКАТА!?

Објавено

на

Се почесто банките се соочуваат со фактот дека поради одредени причини искусните вработени си заминуваат, односно успеваат да најдат подобра работа. Можеби станува збор за работа каде можат да ја искажат својата креативност, можеби е подобро платена, можеби има помалку притисоци, итн…

1. Клиентот очекува да добива услуга на високо ниво од банката со која одлучил да соработува. Тој, како постоечки клиент веќе е запознаен со принципите на работа на вработените во одредена филијала на банка и токму затоа практикува да соработува со конкретната филијала. Комотен е и знае дека, референтот кој седи спроти него ја познава неговата финансиска ситуација и е запознаен со неговото однесување како клиент. И така треба да биде. Но, сите ние освен за банката, се врзуваме и за конкретен вработен во таа банка. Свесно или потсвесно, така е. На тој вработен сме му ги довериле финансиите, знае какви плаќања вршиме, знае дали редовно го враќаме кредитот, знае колку пари имаме на сметка, знае каде ги трошиме парите со картичка…знае буквално се! Што се случува доколку тој вработен си замине од банката? Клиентот започнува да се чувствува непријатно бидејќи ќе треба да го промени начинот на функционирање со некој друг вработен во банката или можеби да ја промени банката. Наравоучение: Обидете се да ги задржите квалитетните вработени на работното место!

2. Колку е непријатно чувството кога ќе побарате услуга од вработениот во банка, а од другата страна наидете на “ѕид”. Нема појма! Драги банки, обучете го кадарот соодветно пред да му ги доделите на вработениот првите работни задачи кои треба да ги реализира самостојно. Не штедете на време и енергија за да го обучите вашиот нов вработен, бидејќи, тоа е инвестиција која долгорочно сигурно ќе ви се исплати. Без разлика дали станува збор за работа во филијала, или позадински процеси, работата во банка е како крвоток, првото зависи од второто, и обратно. Бидете сигурни дека ќе може да се справи со сите работни задачи и предизвици. Ама кај нас некако се на неспремно како да ги фаќаат. “Си даде отказ колегата, нова е колешката дојди кај мене ќе те услужам!”. Така нема да научи никогаш. Најпрво, потребна е соодветна обука, а потоа и практично да се запознае со процесите во институцијата работејќи заедно со ментор. Ако без обука ја фрлите во “front” или ќе изгори или ќе научи погрешно. Трпение – Спасение!

3. Односот вработен клиент секогаш мора да биде на ниво, односно да му се обраќате на клиентот со почит. Сепак, работите во финансиска институција и согласно кодекс и етика на однесување на работно место, потребно е да сте професионални. Не претерано, за да си рече клиентот (што му/и е на овој/оваа?), но тоа да биде во рамките на политиката на банката во која работите.

На ова ме потсети Фејсбук статусот на Сашко Коцев, кој можете да го погледнете во продолжение:

 

 

 

 

 

 

 

 

Во кратки црти, банкарот и аптекарот му се обратиле со ТИ, продавачката на пазар со ВИЕ! Без намера некого да омаловажам, или да величам…како што спомнав во самиот текст – обидете се да задржите високо ниво на комуникација. Клиентот ако го чувствувате близок или другар е во ред, но има време за тоа по завршување на работното време.

4. Она што ќе му го ветите на клиентот, мора да го испорачате. Замислете седнувате на состанок со потенцијален клиент, му ветувате поволни услови за работењето да го префрли преку вашата банка и кога ќе дојде време за да се случи истото да добие целосно различна понуда од онаа што првично е дискутирана. Што сте направиле? Сте го изгубиле клиентот, а уште не дошол! Затоа, потребно е да бидете мошне внимателни и да не ветувате “брда и долини”. Бидете умерени и реални во она што ќе го ветите, за со сигурност да можете истото да го исполните.

5. Клиентот ве контактира телефонски, а вие во моментот сте зафатени и не можете да разговарате. Нека не ве мрзи да напишете СМС порака (во моментов не можам да разговарам, дали ќе биде проблем да се слушнеме за 15-тина минути?). Но, потоа испочитувајте си го сопствениот збор и јавете му се на клиентот веднаш откако ќе се ослободите од постоечката обврска, бидејќи кога веќе клиентот ве побарал значи дека му е потребна поддршка од ваша страна. Вибер комуникацијата е исто така честа во денешно време, напишете му на клиентот “Пиши ми, не можам да разговарам во моментов. Можам ли на овој начин да ти помогнам?”.  Премногу е непрофесионално да не одговорите на повикот (и јас не одговарам некогаш ама еве сега пишувајќи сфатив дека во иднина ќе си ја корегирам таа особина!).

Сите ние, како клиенти во банките ги гледаме само “новите колешки” или “новите колеги” во филијалите. Често, нивната услуга и одговор зависи од оние “новите колешки” или “новите колеги” во позадината (централа), но, сепак, оние вработени на кои клиентите им се “истураат” во голем дел од ситуациите не се виновни, но судбината посакала тие да се “фронтот”.

До следната колумна (за лоши клиенти), Ве поздравувам…

(Филип)

 

Колумни

Што се даночни раеви и како големите корпорации ги користат?

Објавено

на

Даночните приходи ја одржуваат цивилизацијата во живот. Но, не сите даночни обврзници играат според истиот пакет на правила. Со помош на адвокати, сметководители и разни професионалци, богатите и добро поврзани лица избегнуваат да плаќаат трилиони долари данок. Останатите ја покриваме разликата – вложувајќи ги нашите пари за изградба на патишта, училишта итн. Даночните раеви го овозможуваат сето тоа. Според некои проценки, околу 10 проценти од вкупното производство на сите економии во светот е сместено во офшор финансиски центри, кои ги држат “школки” компании кои постојат само на хартија. Трошоците за државите, во загубен приход, се проценува дека надминуваат 800 милијарди долари годишно. (more…)

Продолжи со читање

Колумни

Користење на технологијата за напредок

Објавено

на

Технологијата оди со огромни чекори напред. Постојано знаеме да кажеме или прочитаме дека истата ќе ни ги земе работните места. Да, вистина е технологијата можеби ќе замени голем дел од нашата физичкa работа, но тоа во иднина ќе ни овозможи да се фокусираме на работи кои што не можат да се автоматизираат. Тоа е начинот на размислување и визијата која што мора да не води напред. Ако немаме визија и ако не започнеме да вложуваме во себе промените ќе не водат нас, наместо ние да ги водиме нив. Затоа влогот во себе е влог во иднината. Доколку сакаме спремни да ја дочекаме иднината мораме да се посветиме на учење, а не само на генерално подобрување во одредени области. (more…)

Продолжи со читање

Колумни

Фискален стимул за заздравување, забрзан економски раст и фискална консолидација

Објавено

на

Минатата недела се одржа првата заедничка научна конференција на Министерството за финансии и Македонската академија на науките и уметностите (МАНУ). (more…)

Продолжи со читање



Популарно