Connect with us

Домашни банки

Нови кредитни линии на НЛБ Банка АД Скопје

Објавено

на

НЛБ Банка АД Скопје информира дека воведe две нови кредитни линии за клиенти-правни лица за реализација на долгорочни инвестициони проекти. Понудата е креирана како резултат на следење на трендовите и случувањата на пазарите во земјата и странство и прилагодување кон потребите на нашите клиенти со цел константна поддршка на нивниот раст и развој.

Една од кредитните линии е наменета за клиенти инвеститори во фотонапонски централи за производство на електрична енергија од обновливи извори. Покрај долгорочниот кредит кој е дел од оваа кредитна линија, а со цел сеопфатно задоволување на потребите на клиентите, креиран е посебен пакет продукти кој се состои од: денарски гаранции потребни за секој од инвеститорите, „оverdraft“ и бизнис картички како резервна опција за повремен дотур на обртен капитал. Понудата претставува директна поддршка на компаниите кои сакаат да аплицираат на јавниот повик на Министерство за економија за доделување на право за користење премија за електрична енергија произведена од фотонапонски електроцентрали.

Другата кредитна линија се однесува на дополнување и проширување на кредитната понуда на Банката за долгорочни кредити наменети за проширување и модернизација на постојното производство како и поддршка на нови развојни проекти на компаниите од сите дејности. Така оваа кредитна линија на компаниите им овозможува користење на кредити со долг рок на отплата – до 10 години и со фиксна каматна стапка за целиот период. Кредитната линија нуди и обезбедува фиксни трошоци и стабилно планирање на идните парични текови и претставува еден вид на осигурување на идните финансиски трошоци.

„Креиравме две нови кредитни линии во насока на поддршка на правните лица кои планираат да инвестираат во својата дејност на работење, како и инвестиции за производство на енергија од обновливи извори. Кредитната линија која е наменета за изградба на фотоволтаични централи има за цел да ги поттикне компаниите да аплицираат на јавниот повик и да ги искористат понудените поволности од државата, со користење на повластените услови коишто ги нуди нашата Банка. Предностите од користењето на обновливата енергија се многубројни, но пред сè, се однесуваат на заштитата на животната средина, како и долгорочно намалување на трошоци за производство на електрична енергија.

Нашите нови кредитни линии имаат за цел да ги стимулираат инвестициите воопшто, да ја зголемат инвестициската моќ на правните лица преку давање на директна финансиска поддршка за реализација на своите инвестициски проекти.“, изјавија од Банката.

Повеќе информации за новите кредитни линии може да се добијат на следните два линка: https://bit.ly/2N1TtFb и https://bit.ly/2KJhcHz.

Домашни банки

Комерцијална банка спонзор на јубилејното 50-то издание на „Златно славејче 2020“

Објавено

на

И оваа година златните славејчиња повторно ќе застанат на сцената и ќе ги отпеат своите хитови. И оваа година Комерцијална банка АД Скопје ќе го поддржи најстариот детски фестивал во земјава „Златно славејче“, кој го слави својот 50-ти роденден. (more…)

Продолжи со читање

Домашни банки

Халк Корнерот во ТЦ Лептокарија, обезбеден од страна на Халкбанк, е веќе на располагање на граѓаните

Објавено

на

Вчера, официјално завршија активностите околу уредувањето на зелениот корнер, на десната страна од популарната „коцка“ во средината на ТЦ Лептокарија. Уредувањето на овој јавен простор е под покровителство на Халкбанк АД Скопје, во склоп на активностите од платформата HalkEco, чија цел е заштита и унапредување на животната средина, создавање здрави навики кај населението и подигање на еколошката свест и грижа за околината. (more…)

Продолжи со читање

Домашни банки

Шпаркасе прогласена за најбрзо растечка банка во сегментите “retail” и “corporate”

Објавено

на

Врз основа на спроведено рангирање на банките во Република Северна Македонија од страна на „Global Banking and Finance Review“, Шпаркасе Банка Македонија АД Скопје повторно е добитник на наградите „Fastest Growing Corporate Bank North Macedonia 2020“ и „Fastest Growing Retail Bank North Macedonia 2020“. (more…)

Продолжи со читање

Популарно