Connect with us

Домашни банки

НЛБ Банка со еко акција и ликовен конкурс по повод 10 години НЛБ Месец на штедење

Објавено

на

НЛБ Банка оваа година одбележува значаен јубилеј, 10 години „НЛБ Месец на штедење“. Во рамки на НЛБ Месецот на штедење, кој ќе трае до 25 октомври, Банката ќе реализира низа активности наменети за децата, а поврзани со конкретна едукативна тема. Темата на која годинава НЛБ Банка го посветува Mесецот на штедење е „Да ја сочуваме нашата планета“, во рамки на која децата на возраст од 5 до 15 години ќе имаат можност да цртаат, на тема „Штедење“ или „Да ја зачуваме нашата планета“ инспирирани од советите на Тиби и Штуки, заштитните ликови на штедењето на НЛБ Банка.

Со оглед на ситуацијата предизвикана од Covid-19 пандемијата, и оваа година, дружењето со Тиби и Штуки, ќе се одвива онлајн, а цртежите ќе можат да се прикачат единствено по електронски пат на веб страницата специјално креирана за оваа намена www.stedenje.nlb.mk. На крајот на октомври најдобрите цртежи избрани со гласање преку веб страницата, како и од страна на посебна комисија составена од реномирани македонски уметници, ќе бидат наградени со парични награди.

По повод јубилејот, а во контекст на годинешната тема, НЛБ Банка, со поддршка на Пакомак, организира награден предизвик и акција за собирање на пластични шишиња во повеќе основни училишта ширум земјата. Имено, во периодот од 27 септември до 25 октомври, учениците од основните училишта треба да носат пластични шишиња во своето училиште, а количината на собраниот пластичен отпад  по завршување на акцијата ќе биде измерена и испратена на рециклирање. Трите училишта кои ќе соберат најмногу пластични шишиња ќе добијат донација од НЛБ Банка, и тоа 3.000 ЕУР за прво-рангираното основно училиште, 2.000 ЕУР за второ- рангираното и 1.000 ЕУР за трето-рангираното основно училиште.

„Навистина сме горди на овој значаен јубилеј, 10 години НЛБ Месец на штедење. Во нашата Банка ова е еден од поомилените настани имајќи ја во предвид заедничката ангажираност на колегите за успешна реализација на истата. Изборот на темите за одбележување на НЛБ Месецот на штедење отсекогаш бил голем предизвик, а ние се стремиме да имаме интересна тема која ќе едуцира и инспирира, но и ќе мотивира на одговорно однесување. Имајќи го тоа предвид, годинава по повод јубилејот, за НЛБ Месецот на штедење избравме една тема која во целост кореспондира со заложбите и активностите кои ги прави Банката во контекст на општествено одговорно делување и одржлив развој. Темата има за цел да го сврти вниманието на јавноста колку е важно децата уште од најрана возраст да научат да се грижат за животната средина, да селектираат отпад и да рециклираат и на тој начин да придонесат кон зачувување на природните ресурси.“ – истакнуваат од НЛБ Банка.

Проектот НЛБ Месец на штедење за прв пат се реализираше во 2011 година. НЛБ Месецот на штедење има забавно едукативен и хуманитарен карактер и  во изминатите години благодарение на овој проект направени се низа донации за институции, организации, здравствени установи и други.

Домашни банки

НЛБ Банка со промотивна кампања за потрошувачките кредити до крајот на годината

Објавено

на

Во пресрет на новогодишните и божиќните празници, НЛБ Банка подготви промотивна кампања за потрошувачките кредити. Овој декември клиентите ќе можат да ги реализираат своите планови благодарение на промотивната понуда со подолг рок на отплата, едноставна процедура и низа други придобивки. (more…)

Продолжи со читање

Домашни банки

Комерцијална банка засади дрвја во знак на успешна реализација на GEFF програмата за финансирање зелена економија

Објавено

на

Комерцијална банка ја обележа успешната реализација на GEFF програмата за финансирање на зелената економија во Западен Балкан со засадување дрвја во Скопје. Педесет дрвја од видот каталпа се донација од Европската банка за обнова и развој, Европската Унија, Австрија и од четири банки од земјава, меѓу кои е и Комерцијална банка, а се израз на нивните стремежи за позеленување на градот Скопје. (more…)

Продолжи со читање

Домашни банки

Потрошувачки и станбени кредити од Комерцијална банка со осигурување од Триглав

Објавено

на

Комерцијална банка понуди потрошувачки и станбени кредити со уште поповолни услови – обезбедени со полиса за животно осигурување или за осигурување при неможност за отплата од осигурителните компании на
групацијата Триглав. (more…)

Продолжи со читање



Популарно