Согласно моменталните случувања со пандемијата на Корона вирусот, со цел да излезе во пресрет на потребите на своите клиенти – пензионери, НЛБ Банка ќе ги исплати пензиите на 29 март (вторник).

 Во насока на поголема заштита, подобра организираност и намалување на гужвите во експозитурите, од 29 март пензионерите ќе можат да ја подигнат својата пензија на банкоматите на НЛБ Банка во секое време, додека во експозитурите на НЛБ Банка пензиите ќе можат да се подигнат согласно определен редослед.

Распоредот за подигнување на пензиите во експозитурите e во периодот од 29 март до 1 април и истиот е креиран согласно висината на пензијата и тоа:

• 29 – ти март  (вторник) 2022 година, пензии со висина до 11.000 денари
• 30 – ти март (среда) 2022 година, пензии со висина 11.001-14.000 денари
• 31 – ви март (четврток)  2022 година, пензии со висина 14.001-18.000 денари
• 1 – ви април (петок)  2022 година, пензии со висина над 18.001 денари

Со цел заштита на здравјетo, од банката апелираат до клиентите – пензионери да не подигнуваат готовина и средствата првенствено да ги користат безготовински, за плаќања во продажната мрежа или преку електронско и мобилно банкарство.

Доколку клиентите имаат потреба од готовина, препорачуваме исплатата да се изврши на банкомат, каде средствата ќе бидат достапни од 29.3. – вторник и истите ќе може да се подигнат во секое време, независно од дефинираниот распоред.

Од банката замолуваат за почитување на превентивните мерки, носење заштитна маска, чекање ред на обележаните места и држење растојание од 2 метри со останатите клиенти и вработените во НЛБ Банка.