Согласно моменталните случувања со пандемијата на Корона вирусот, со цел да излезе во пресрет на потребите на своите клиенти – пензионери, НЛБ Банка денес (24-ти февруари) започна со исплата на февруарските пензии.

Во насока на поголема заштита, подобра организираност и намалување на гужвите во експозитурите, од денес (24-ти февруари) пензионерите можат да ја подигнат својата пензија на банкоматите на НЛБ Банка во секое време, додека во експозитурите на НЛБ Банка пензиите ќе можат да се подигнат согласно определен редослед.

Распоредот за подигнување на пензиите во експозитурите e во периодот од 24 февруари до 1 март и истиот е креиран согласно висината на пензијата и тоа

• 24 февруари (четврток) 2022 година, пензии со висина до 11.000 денари
• 25 февруари (петок) 2022 година, пензии со висина 11.001-14.000 денари
• 28 февруари (понеделник) 2022 година, пензии со висина 14.001-18.000 денари
• 1 март (вторник) 2022 година, пензии со висина над 18.001 денари. 

Со цел заштита на здравјетo, од банката апелираат до клиентите – пензионери да не подигнуваат готовина и средствата првенствено да ги користат безготовински, за плаќања во продажната мрежа или преку електронско и мобилно банкарство.

Доколку клиентите имаат потреба од готовина, од НЛБ Банка препорачуваат исплатата да се изврши на банкомат, каде средствата ќе бидат достапни од 24.02. – четврток и истите ќе може да се подигнат во секое време, независно од дефинираниот распоред.

Од банката замолуваат за почитување на превентивните мерки, носење заштитна маска, чекање ред на обележаните места и држење растојание од 2 метри со останатите клиенти и вработените во НЛБ Банка.