НЛБ Банка ги известува своите клиенти дека денес, 3.12.2020 (четврток) започна со исплата на гарантираната минимална помош- гмп, додека останатите права од социјална и детска заштита ќе ги исплати на 7- ми декември (понеделник).

Во насока на поголема заштита и намалување на гужвите во експозитурите, од 3.12.2020 година – четврток, клиентите ќе можат ги подигнат средствата од гарантираната минимална помош на банкоматите во секое време, додека исплатата во експозитурите на Банката ќе се реализира согласно определен редослед, според првата буква од презимето и тоа:

–   3 декември  (четврток) – А, Б, В, Г, Д, Ѓ, Е, Ж, З, Ѕ,И, Ј, К, Л, Љ, М,

–   4 декември (петок) – Н, Њ, О, П, Р С, Т, Ќ, У, Ф, Х, Ц, Ч, Џ, Ш.

Воедно, клиентите ќе можат ги подигнат средствата од останатите права за социјална и детска заштита од 4.12.2020– петок на банкоматите во секое време, додека исплатата во експозитурите на Банката исто така ќе се реализира согласно определен редослед, според првата буква од презимето и тоа:

–    7 декември  (понеделник) – А, Б, В, Г, Д, Ѓ, Е, Ж, З, Ѕ,И, Ј, К, Л, Љ, М,
–    9 декември (среда) – Н, Њ, О, П, Р С, Т, Ќ, У, Ф, Х, Ц, Ч, Џ, Ш.

Со цел заштита на здравјетo, од банката препорачуваат средствата првенствено да се користат за безготовински плаќања во продажната мрежа или преку електронско и мобилно банкарство. Доколку клиентите имаат потреба од готовина, од НЛБ Банка препорачуваат подигнувањето на средства да се врши на банкомат.

При посета на експозитура, од НЛБ Банка замолуваат за почитување на превентивните мерки, носење заштитна маска, чекање ред на обележаните места и држење растојание од 2 метри со останатите клиенти и вработените во НЛБ Банка.