Connect with us

Домашни банки

НЛБ Банка донираше додатоци на исхраната во Дневниот центар за стари лица при Црвениот Крст на Град Скопје

Објавено

на

Во рамки на кампањата „Свет полн со добрина е свет полн со можности“, НЛБ Банка обезбеди витамини, минерали, препарати против остеопороза и други неопходни додатоци на исхраната наменети за унапредување на здравјето на лицата во третото животно доба.

Донираните додатоци на исхраната се предадени на „Дневниот центар за стари лица и центар за давање помош во домашни услови“ на Црвениот Крст на Град Скопје, кој обезбедува грижа и здравствена заштита за повеќе од 1.000 лица на месечна основа кои ги користат услугите во дневните центри за стари лица, како и за повеќе од 200 стари и изнемоштени лица во домашни услови.

„Оваа донација е составен дел од долгорочната стратегија за општествена одговорност на Банката, преку која сакаме да обезбедиме поддршка за сите оние општествени групи на кои таа им е најнеопходна. Токму тоа беше и целта на кампањата „Свет полн со добрина е свет полн со можности“, во чии рамки веќе дониравме сензорна соба во основно училиште во Македонски Брод за децата и младите со образовни попречености, а сега ја реализираме и оваа помош за старите и изнемоштени лица. На ваков начин, ние во НЛБ Банка ја остваруваме нашата заложба за создавање инклузивен свет и амбиент на еднакви можности за сите“, истакнуваат од НЛБ Банка.

Дневниот центар за стари лица и центарот за давање помош во домашни услови е проект на Црвениот Крст на Град Скопје кој се реализира уште од 2011 година. Целна група на проектот се стари и изнемоштени лица кои живеат сами или со својот брачен другар, а кои имаат потреба од медицинска и психо-социјална поддршка во домашни услови, како и активни лица во третото животно доба кои имаат потреба од социјализација и програма за активно стареење во концепт на дневен центар за стари лица.

„Пандемија на Ковид-19 покажа дека токму старите лица се најранлива целна група на која им е неопходно постојана и засилена поддршка која ќе придонесе за подобрување на нивната здравствена состојба. Оваа донација од НЛБ Банка во форма на неопходни медицински додатоци доаѓа во вистинско време и претставува силна поткрепа на здравјето на овие членови на нашата заедница, за што ние и сите корисници на социјалните услуги на Дневниот центар за стари лица и центарот за давање помош во домашни услови сме многу благодарни“, велат од Црвениот крст на Град Скопје.

Домашни банки

Известување од ТТК Банка за предвремена исплата на пензиите од денес (28-ми јуни 2022 година)

Објавено

на

ТТК Банка АД Скопје ги известува своите почитувани корисници дека почнувајќи од денес (28-ми јуни 2022 година), започна со исплата на пензијата за месец јуни на пензионерите кои ја примаат својата пензија од Фондот за пензиско и инвалидско осигурување на нивната денарска сметка во ТТК Банка АД Скопје. (more…)

Продолжи со читање

Домашни банки

Финансиска помош од Комерцијална банка за организација на Светското првенство во шах за слепи во Охрид

Објавено

на

Во својата долгорочна мисија секогаш да им помогне и да излезе во пресрет на потребите на лицата со хендикеп, Комерцијална банка на свое големо задоволство финансиски ќе го помогне одржувањето на Светското првенство во шах за слепи и визуелно хендикепирани лица во Охрид. (more…)

Продолжи со читање

Домашни банки

Халкбанк започна со предвремена исплата на јунските пензии

Објавено

на

Халкбанк АД Скопје ги известува своите почитувани клиенти пензионери дека пензиите за месец јуни се веќе на нивните сметки од денес (28.06.2022 – вторник) и истите можат слободно да ги користат при пазарење со своите платежни картички, преку електронското банкарство или за подигање преку АТМ-ите без провизии. (more…)

Продолжи со читање


Популарно