Connect with us
P2_P_MK_1600x400

Кредити

НЛБ Банка ги намали каматните стапки на кредитите за правни лица

Објавено

на

Почнувајќи од 08.04.2019 година, НЛБ Банка воведе нови кредитни продукти за правни лица со намалени каматни стапки и поповолни услови. Каматните стапки на новоодобрените кредити се намалени во просек до 1,5 процентни поени.

Новите кредитни продукти се наменети за мали, средни и големи претпријатија. Намената на овие кредитни продукти е за инвестиции во основен капитал, за обртен капитал и трајни обртни средства. Исто така, Банката воведе нови кредитни продукти за нето извозниците, кои се акцелератор на економскиот развој  во секоја земја. Новите кредитни продукти заедно со постојниот пакет за нето извозници формираат една од најцелосните понуди на услуги за овој пазарен сегмент. Дополнително на понудата, Банката започнува и со пласирање на средства од кредитната линија од МБПР ЕИБ V, со која се дополнува понудата со кредити со фиксна каматна стапка до 12 години.

Во периодот кој следува, во фокусот на работењето на Банката ќе биде поддршката на приватниот сектор преку креирање на продукти со поволни, атрактивни и кориснички прилагодени услови. Исто така, Банката ќе продолжи со финансирањето на големите проекти и инвестиции преку поддршка со tailor-made продукти прилагодени на специфичните потреби и услови на поединечните проекти.

Освен во делот на финансирањето, НЛБ Банка е партнер кој освен финансиски средства и современи услуги, нуди и советување на клиентите, контакти со можни соработници во земјата и регионот (преку мрежата на НЛБ Групацијата), економско-техничка оценка на проектите и правна поддршка.

Сите заинтересирани клиенти можат да ги контактираат советниците од Деловниот сектор за корпоративни клиенти или да се обратат на e-mail: corporate@nlb.mk

Кредити

Почувствувајте го шмекот на летото со туристичкиот кредит на Халкбанк

Објавено

на

Почувствувајте го летото со сите Ваши сетила! Шмекот на Соренто, духот на Задар, песочните хоризонти на Крф или азурното море на Мајорка? (more…)

Продолжи со читање

Кредити

Студентски кредит од Халк Банка со 0% камата за студирање на Меѓународниот Балкански универзитет

Објавено

на

Меѓународен Балкански универзитет и Халкбанк АД Скопје со цел да помогнат во едуцирање на младите создадоа заеднички производ – Студентски кредит со 0% камата и со промотивна школарина од 1000 евра. Целта на оваа кампања насловена „Инвестирај во знаењето“ е на студентите и нивните семејства да им се понуди уникатна можност да можат да одберат квалитетно и меѓународно образование, а со домашни услови на финансирање. Во оваа кампања, Меѓународен Балкански универзитет ќе ја покрие каматата за студентскиот кредит, а студентот, односно родителите ќе ја плаќаат школарината кон универзитетот на 12 еднакви месечни рати без камата. (more…)

Продолжи со читање

Кредити

ОХРИДСКА БАНКА ВОВЕДУВА ПРОМОТИВНИ УСЛОВИ НА КРЕДИТИТЕ ЗА ФИЗИЧКИ ЛИЦА

Објавено

на

Охридска банка Сосиете Женерал воведува промотивни услови на кредитите наменети за физички лица. Станува збор за промоции со кои се олеснува аплицирањето и отплатата на кредитите, на начин што банката ги исклучува административните трошоци, односно нотарските трошоци зависно од типот на кредитот.

Па така, ненаменскиот кредит „Лесен кеш кредит“ е достапен без административен трошок за апликации за кредити со вклучено кредитно животно осигурување (КЖО) до 14 септември, 2019г. Кредитот има гарантирана каматна стапка за целото времетраење на кредитот. На пример, за кредитот со модел 2+6 со вклучено КЖО во износ од 1.200.000 денари со рок на враќање од 8 години, каматната стапка за првите две години месеци изнесува 5,75%, односно ратата за првите две години е 16.257 денари, додека од дваесет и петиот до деведесет и петиот месец, ратата изнесува 17.090 денари, а каматната стапка е 7,55%.

Станбениот кредит „5+“ е достапен со одлични услови, без административен трошок за апликации до 14 септември, 2019 година и фиксна каматна стапка за првите 5 години. За станбен кредит во висина од 30.000 евра и рок на отплата од 20 години, со вклучено кредитно животно осигурување, за првата година каматната стапка изнесува 3,10%, а ратата би била 174 евра, за втората и третата година каматната стапка изнесува 3,30% а ратата 178 евра, а за четвртата и петата година каматната стапка изнесува 4,55%, а ратата 210 евра. По петата година, каматната стапка е варијабилна и се пресметува врз основа на шестмесечна стапка на Еурибор.

Понудата за кеш хипотекарниот кредит на Охридска банка дава можност за рефинансирање. Со овој кредит на клиентите им се дава можност да ги спакуваат сите свои обврски кои ги имаат по разни основи во други банки и да ги отплаќаат со една месечна рата која е особено поволна. Кеш хипотекарниот кредит нуди фиксна каматна стапка за првите 3 години, а дополнителната атрактивност на овој производ е тоа што во промотивниот период до 14 септември 2019 год., кредитот е достапен без нотарски и без административни трошоци.

Промотивните услови на кредитите за физички лица на Охридска банка Сосиете Женерал им овозможуваат дополнителни поволности на клиентите во остварување на своите инвестициски планови за нов дом, реновирање, патување и слични желби преку атрактивната понуда активна до 14 септември, 2019 година. Охридска банка Сосиете Женерал како општествено одговорна компанија посветена кон исклучително корисничко искуство и задоволство на клиентите, постојано создава квалитетни финансиски услуги, па во оваа насока ја создаде и промотивната понуда.

Повеќе информации за актуелните понуди на Банката можат да се најдат на веб страницата www.ohridskabanka.mk, Контакт центар 02 15 050, или во мрежата експозитури на Банката низ државата.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange