Connect with us

Форекс

НЕДЕЛА НА ХВ: Основни информации за Централниот депозитар за хартии од вредност

Објавено

на

Централниот депозитар за хартии од вредност АД Скопје е компанија која речиси две децении претставува еден од институционалните столбови на пазарот на хартии од вредност во Република Северна Македонија и дава континуиран придонес за стабилноста и за развојот на оваа индустрија. 

Како правен субјект, Централниот депозитар за хартии од вредност АД Скопје е основан на 10.10.2001 година, од 10 брокерски друштва, 14 банки и една осигурителна компанија. Согласно Законот за хартии од вредност за вршење на своите функции Депозитарот доби Одобрение  за основање и работа од страна на Комисијата за хартии од вредност на Република Северна Македонија бр.07-943/3 од 24.10.2001 година. До основањето на Депозитарот, хартиите од вредност издадени во Република Северна Македонија се водеа во хартиена форма, што за издавачите, берзата, брокерите и сопствениците значеше процес на комплицирано издавање, тргување и евиденција на сопственоста над хартиите од вредност.

По основањето на Депозитарот, при крајот на ноември 2001 година, почна процесот на дематеријализација, односно конвертирање на хартиите од вредност од материјална во електронска форма, со што Депозитарот ја доби улогата на централна база на податоци преку која на имателите на хартии од вредност, инвеститорите, надлежните институции и другите засегнати субјекти, на брз и едноставен начин им е обезбеден пристап до неопходните податоци. Со дематеријализацијата на хартиите од вредност, базата на податоци на ЦДХВ е единствената валидна база од која се добиваат податоци за сопственоста на хартиите од вредност и сите други ограничувања во врска со хартиите од вредност. Процесот на дематеријализацијата и централизираниот пристап за евиденција на сите хартии од вредност во Република Северна Македонија ја зголеми заштитата на правата на инвеститорите и ја подобри довербата во македонскиот пазар на капитал.

Депозитарот функционира како акционерско друштво во 100% приватна сопственост. Согласно со Законот за хартии од вредност, акционери на Депозитарот може да бидат единствено банки, брокерски куќи, осигурителни друштва или друштва за управување со фондови.

Форекс

Руската рубља ќе стане официјална валута во дел од украинските градови

Објавено

на

Градот Херсон во јужниот дел на Украина, за кој Русија тврди дека е под нејзина контрола, ќе премине кон користење на рубљата од 1-ви мај, објавија руски државни медиуми. (more…)

Продолжи со читање

Форекс

Доларот опасно му се приближува на еврото!

Објавено

на

Еврото утринава падна на најниско ниво во последните пет години од 1,05890 долари, откако руски „Газпром” соопшти дека ќе го прекине снабдувањето со гас за Полска и Бугарија. Падот под 1,06 долари за прв пат по пет години во однос на генерално силниот американски долар доаѓа поради зголемената загриженост околу енергетската безбедност и забавувањето на растот во Кина и Европа. (more…)

Продолжи со читање

Форекс

Злато има, но нема кој да го купи!?

Објавено

на

Започнувањето на конфликтот помеѓу Русија и Украина предизвика висок пораст на цената на нафтата, но покрај нафтата, висок пораст бележи и најблагородниот метал – златото. (more…)

Продолжи со читање


Популарно