Connect with us

НБРМ

НБРМ: Банките основа за финансиска стабилност

Објавено

на

Се одржа шестата седница на Комитетот за финансиската стабилност, на која присуствуваа гувернерката на Народната банка на Република Македонија, д-р Анита Ангеловска-Бежоска и министерот за финансии, д-р Драган Тевдовски, како и високи претставници од двете институции. Седницата се одржа како дел од редовните активности на Министерството за финансии и НБРМ за следење на состојбите и трендовите во финансискиот систем.

На седницата беа разгледани првичните резултати од оцената на Меѓународниот монетарен фонд и Светската банка за усогласеноста на банкарската супервизија и регулатива во Република Македонија со Базелските принципи за ефикасна банкарска супервизија. Оцената е дел од сеопфатната Програма за оцена на финансискиот сектор во Република Македонија (Financial Sector Assessment Program), којашто ја спроведува заеднички тим на експерти од двете меѓународни институции. Првичните согледувања укажуваат на стабилен и добро развиен систем на банкарска супервизија и регулатива, со висок степен на усогласеност со меѓународните стандарди објавени од Базелскиот комитет за банкарска супервизија.

Комитетот ги разгледа и последните движења во банкарскиот систем и ризиците врз финансиската стабилност во Република Македонија и заклучи дека банкарскиот систем и понатаму ја има најзначајната улога во одржувањето на стабилноста на целиот финансиски систем. Активностите на банките продолжуваат да растат, а солвентноста на банките дополнително зајакна и на крајот на јуни 2018 година, стапката на адекватност на капиталот достигна 16,5%. Ликвидните средства на банките континуирано се одржуваат на високо ниво, учествувајќи со над 30% во вкупната актива на банките и обезбедувајќи покриеност на вкупните депозити на населението, од околу 60%. Квалитетот на кредитното портфолио на банките е стабилен, а стапката на нефукционалните кредити веќе неколку месеци е на ниво од околу 5%. Во услови на едноставна структура и скромна поврзаност на активностите на одделните сегменти на финансискиот систем, ограничена е опасноста од прелевање на ризиците помеѓу одделните сектори, што дополнително влијае врз стабилноста на финансискиот систем.

 

НБРМ

Ангеловска-Бежоска на 7. средба на гувернерите од регионот

Објавено

на

Во изминативе години се забележува побрз раст на секторот финтек во Централна и Југоисточна Европа, иако тој значително заостанува зад оној во развиените економии. Финансиските иновации поттикнати од финтек-компаниите во основа водат до подобри и поконкурентни финансиски услуги, а истовремено поттикнуваат поголема конкуренција и иновирање кај традиционалните финансиски институции – банките“ – истакна гувернерката на Народната банка, д-р Анита Ангеловска-Бежоска на 7. средба на гувернерите од регионот, којашто се одржа вчера во Савудрија, Хрватска. (more…)

Продолжи со читање

НБРМ

НБРМ донесе одлука за намалување на основната каматна стапка на ниво од 2,25%

Објавено

на

Централна Банка

На 12 март 2019 година се одржа редовна седница на Комитетот за оперативна монетарна политика на Народната банка, на која беа разгледани клучните показатели за домашната економија и движењата на меѓународните и домашните финансиски пазари, во контекст на поставеноста на монетарната политика. (more…)

Продолжи со читање

Анализи

Македонците сеуште практикуваат плаќање во кеш, но тој тренд полека се менува

Објавено

на

Статистичките податоци на Народната банка за септември 2018 година покажуваат дека од вкупниот број трансакции реализирани со кредитни трансфери или приближно пет милиони, во хартиена форма се реализирани 2.896.599 трансакции, додека електронски 2.069.280. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange