Connect with us
P2_P_MK_1600x400

Анализи

На што најмногу трошат пари ултра-богатите луѓе!?

Објавено

на

Според податоците на компанијата Wealth-X, претходната година биле евидентирани 23 милиони ултра-богати луѓе во светот, чие богатство изнесува 62.000 милијарди долари.

Повеќето од нив живеат во САД, што опфаќа околу 40 проценти од богатото население во светот. Но, и меѓу богатите постојат различни категории. Имено, постојат богати и ултра-богати, пренесува порталот Swot.ba.

На пример, компанијата Wealth-X како богати ги категоризираше оние луѓе кои имаат помеѓу 1 и 30 милиони долари. Сепак, повеќето од оваа категорија се на самото дно, затоа што имаат помеѓу еден милион и пет милиони долари.

Ултра-богати се оние луѓе кои имаат повеќе од 30 милиони долари. Се разбира, кога имате толку многу пари, се поставува прашањето на што ги трошите?

Иако за многумина звучи чудно, најбогатите луѓе во светот многу пари даваат во донации. Имено, филантропијата е многу важна како за ултра-богатите, така за оние супер-богатите.

Дури 57% од ултра богаташите велат дека дарување пари за добротворни цели е еден од нивните приоритети.

Иако, во годините по рецесијата, филантропијата беше во криза, во последниве години има јасни индикации дека таа се врати на претходното ниво.

За тоа најдобро говорат и таканаречените мегаподароци. Имено, само минатата година, Џеф и Мекензи Безос дадоа 2 милијарди долари на “Еден ден фондацијата”, за бездомници. Друг познат американски милијардер, Мајкл Блумберг даде 1,8 милијарди долари на Универзитетот Џонс Хопкинс.

Најпопуларните области за давање донации од богатите се образованието, уметноста, културата и здравјето.

Сепак, по филантропијата, овие луѓе даваат огромни пари и за она што го сметаат за своја страст и хоби. Па така, многу од нив инвестираат во спортот.

Кога станува збор за американските богаташи, на прво место е голфот, потоа НФЛ, скијање, кошарка и безбол.

Нашите богаташи, исто така, голем дел од своето богатство го донираат за хуманитарни цели. Но, ниту тие не се имуни на спортот, па така најмногу инвестираат во фудбалот и ракометот, па потоа кошарката, одбојката итн.

 

Анализи

Што се негативни каматни стапки и какви се последиците од нив?

Објавено

на

Европската централна банка не само што веќе подолг период ги одржува негативните каматни стапки познати и како казнени камати, туку наскоро планира и нивно дополнително намалување. Какви ќе бидат последиците? Ова се најважните прашања во врска со негативните каматни стапки.

Што се негативни или казнени каматни стапки?

Примената на казнените каматни стапки започна од средината на јуни 2014 година, кога на комерцијалните банки им беше наложено дека треба да платат камата кога депонираат вишок пари во Европската централна банка (ЕЦБ). Во моментов оваа камата изнесува 0,4 процентни поени.

Зошто ЕЦБ го стимулира ова?

Со оваа мерка банките треба да се стимулираат да издаваат повеќе кредити, наместо да го ограничуваат протокот на пари со тоа што вишокот пари ги депонираат во ЕЦБ. Ова треба да ги поттикне инвестициите и потрошувачката во еврозоната, што пак треба да го поттикне растот и инфлацијата.

Факти: Економскиот раст во еврозоната ја губи важноста. Бруто домашниот производ порасна за само 0,2 процентни поени во последниот квартал. Во исто време, стапката на инфлација се оддалечува од целта на нешто помалку од 2 процентни поени, што ЕЦБ смета дека е ниво што обезбедува ценовна стабилност. Инфлацијата беше 1,1 процент во јули, најниска од февруари 2018 година.

Колку тоа ги чини комерцијалните банки?

Според пресметките на Федералното здружение на германски банки, банките во еврозоната моментално треба да плаќаат повеќе од 600 милиони евра месечно поради негативните каматни стапки за вишок ликвидност кои ги наметна ЕЦБ. Пребројувајќи на годишно ниво, тоа изнесува околу 7,5 милијарди евра. Германските банки кои традиционално имаат вишок депозити од клиентите, се особено погодени од казнената камата на ЕЦБ. Според тоа, тие носат околу една третина од негативните депозити во еврозоната.

Какви понатамошни последици имаат негативните каматни стапки врз комерцијалните банки?

На банките и штедилниците веќе долго време им се советува да издаваат повеќе кредити отколку да прибираат пари во вид на депозити од штедачите. Но, изобилство на вишок пари од е историја: ЕЦБ ги намали каматните стапки на рекордно ниско ниво, разурнувајќи ги приходите од камати во банкарската индустрија.

Проблемите на банкарската индустрија станаа многу поголеми со негативните каматни стапки. Тие веќе страдаат од жестоката конкуренција и од економски пад. Покрај тоа, дигитализацијата сама по себе наметнува високи регулаторни трошоци и скапа инвестиција. Традиционалните банки со своите филијали и подружници, исто така, се борат со конкурентите и со финтек предизвикувачите.

На што треба да обрнат внимание инвеститорите за време на казнената камата и какви последици имаат казнените каматни стапки за штедачите?

Банките и штедилницте ги пренесуваат негативните каматни стапки на компаниите, големите инвеститори како што се инвестициските фондови и на богатите приватни клиенти. Според студијата спроведена од biallo.de, 30 институции во Германија наплаќаат т.н. чувар на имот за приватни клиенти, за износи до 100.000 евра. За повеќето, оваа провизија е 0,4 процентни поени. Но, поголемото мнозинство купувачи се заштитени од негативните каматни стапки.

Дали наскоро од овие мерки на ЕЦБ ќе бидат погодени и обичните штедачи?

Во моментов обичните штедачи не се погодени од овие мерки на ЕЦБ и нема изгледи дека во блиска иднина тоа би се променило, бидејќи доколку тоа се случи клиентите ќе се насочат кон алтернативни производи. „Не верувам дека ќе добиеме негативни стапки од сите страни“, вели Херман-Јозеф Тенхаген, извршен директор на Finanztip во интервју за n-tv.de. „Првата штедилница или банка што ќе го стори тоа ќе добие толку многу вишок пари што ќе треба да платат провизија кон ЕЦБ што ќе биде двојно поголема а, можеби и повеќе”. – додаде Тенхаген.

Дали комерцијалните банки можат на друг начин да ги пренесат трошоците?

Можат, а некои веројатно и ќе се обидат. Колку подолго трае негативната каматна стапка, толку е поголема веројатноста институциите да ги зголемуваат таксите и провизиите. Зголемувањето на каматните стапки е постојана тема во банкарската индустрија.

„Вие не можете да ги ловите каматните стапки само со намалување на трошоците“, рече извршниот директор на Дојче Банк, Кристијан Севинг, на Ханделсблат кон средината на јули – кратко време по објавувањето на планот за наплата што вклучува отказ за илјадници работни места. „Не можам да замислам дека банките кои во моментов нудат бесплатна сметка дека тоа истото ќе го сторат и со каматните стапки во следните неколку години“. Доколку тоа се случи, тоа ќе биде пораз за банкарската индустрија” – додаде Севинг.

Дали  на повидок се гледа крајот на е казнената каматна стапка?

Не, баш напротив. ЕЦБ неодамна предложи сегашната казнена каматна стапка од 0,4 проценти дополнително да се зголеми.

Пораст на каматните стапки на кои се надеваа штедачите засега нема да има, но добра околност е што може дополнително да се намалуваат каматните стапки на кредитите.

Продолжи со читање

Анализи

КУРСНА ЛИСТА

Објавено

на

ОФИЦИЈАЛНА КУРСНА ЛИСТА НА НАРОДНА БАНКА НА РЕПУБЛИКА СЕВЕРНА МАКЕДОНИЈА


КУРСНА ЛИСТА НА БАНКИТЕ

 

БАНКА
Курсна Листа
Комерцијална банка АД Скопје
– Курсна Листа –
НЛБ Банка АД Скопје
– Курсна Листа –
Стопанска банка АД – Скопје
– Курсна Листа –
Халкбанк АД Скопје
– Курсна Листа –
Охридска банка Сосиете Женерал
– Курсна Листа –
Шпаркасе Банка Македонија
– Курсна Листа –
УНИБанка АД Скопје
– Курсна Листа –
Стопанска банка а.д. Битола
– Курсна Листа –
ПроКредит Банка АД Скопје
– Курсна Листа –
Капитал Банка АД Скопје
– Курсна Листа –
Централна кооперативна банка АД Скопје
– Курсна Листа –
Еуростандард банка АД Скопје
– Курсна Листа –
ТТК Банка АД Скопје
– Курсна Листа –
Силк Роуд Банка АД Скопје
– Курсна Листа –
Продолжи со читање

Анализи

Две третини од Македонците користат платежна картичка најмалку еднаш неделно

Објавено

на

Мастеркард ги објави резултатите од MasterIndex истражувањето за финансиските потреби и навики на активните сопственици на картички во Северна Македонија. Оваа студија нагласува дека земјава е пазар со доминантно дебитно плаќање – 93.7% од испитаниците поседуваат дебитна картичка, додека 22% од испитаниците имаат и дебитна и кредитна картичка. Само кредитни картички имаат 28% од испитаниците. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange