Веќе неколку денови по ред најголем дел од акциите кои котираат на Македонска берза ја зголемуваат својата вредност. Пандемијата од коронавирусот што ги зафати светските берзи, веќе полека, но сигурно станува минато за Македонската берза, се врати довербата кај инвеститорите, а тоа најмногу се гледа со движењето на индексот МБИ10 кој ги содржи десетте најликвидни хартии од вредност на котираните акционерски друштва.

Последниот ден за тргување на Македонска берза беше во знакот на растот на вредноста на акциите, а најголем пораст на вредноста забележаа акциите на Тетекс АД Тетово и Алкалоид АД Скопје, кои забележаа раст од високи 4,47% односно 3,64 проценти соодветно.

Пораст на вредноста на акциите забележаа и Макпетрол АД Скопје од 3,52%, Комерцијална банка АД Скопје од 2,83% и НЛБ Банка АД Скопје од 2,80%.

Раст остварија и акциите на Стопанска банка АД Скопје и Гранит АД Скопје.

Покрај акциите кои ја зголемија својата вредност, имаше и компании кои ја загубија својата вредност на последниот ден за тргување. Најпогодени од падот беа акциите на ВВ Тиквеш АД Кавадарци кои забележаа пад на вредноста од 2,99%. Падот на вредноста на Македонската берза негативно се одрази и врз вредноста на акциите на Македонијатурист АД Скопје, чиишто акции ја намалија својата вредност за минимални 0,22%.

Според официјалниот среден курс на Народната банка на Македонија, денеска денарот спрема еврото има вредност од 61.6949 денари.

Курсот на денарот спрема доларот е на ниво од 56.9036 денари, британската фунта изнесува 70.6053 денари, додека пак швајцарскиот франк е 58.3624 денари.