Connect with us

Странски банки

Најтежок стрес тест за банките досега – Под лупа 51 европска банка

Објавено

на

Европскиот банкарски регулатор (EBA) ќе тестира 51 најголеми европски банки во наредните месеци.

Тоа ќе биде најтешкиот и најстрог стрес-тест досега, објави во петокот Европскиот банкарски регулатор (EBA). Исто така, за прв пат ќе бидат испитани ефектите од рецесијата, во комбинација со долгорочни ниски или негативни каматни стапки (по принцип „пониски подолго“). Спред ЕБА, резултатите треба да бидат објавени до крајот на јули.

Тестот се заснова на две сценарија. Првото сценарио се заснова на предвидувањата на националните централни банки за иден економски развој, а второто е кризно сценарио: институциите ќе мора да покажат дека сè уште ќе имаат доволно капитал во случај на пад на економското производство на ЕУ од 4,3 проценти до 2022 година, а притоа се соочуваат со невработеност од 3,5 процентни поени и голем пад на берзите и пазарот на недвижности.

Меѓу 51-та финансиска институција што треба да бидат тестирани, 35 институции се директно надгледувани од Европската централна банка (ЕЦБ) заради нивната важност и влијателност на пазарот.

И покрај тоа што Велика Британија ја напушти ЕУ, британските банки, исто така, мораат да го поминат стрес тестот, бидејќи транзициониот период на Брегзит трае до крајот на годината. Од Германија од страна на регулаторот ќе бидат тестирани „Deutsche bank”, „Commerz bank” и неколку други регионални банки, а од Австрија ќе се тестираат „Erste Group Bank AG”, како и „Raiffeisen Bank International”.

Како и кај последниот голем стрес тест на банките, според ЕБА, не постои фиксна мерка според која некоја банка ќе успее или не да го положи тестот. Сепак, супервизорите ќе ги користат добиените резултати за да постават поединечни спецификации за секоја одделна финансиска институција, како дел од Годишниот преглед на банкарскиот систем (SREP).

Според ЕБА, тестот за европските финансиски институции е построг од стрес тестот спроведен од „Bank of England” наменет за британските банки, но не е толку ригорозен како стрес тестот на американските регулатори кои ги тестираат американските банки.

Со редизајн на стрес тестот, ЕБА реагира и на критиките од Европскиот суд на ревизори, кои ги обвини регулаторите дека се премногу лабави во однос на последната проверка на способноста на финансиските институции во 2018 година.

Криптовалути

Централната банка на Русија со предлог целосно да се забрани издавање и употреба на криптовалути

Објавено

на

Централната банка на Русија предложи целосна забрана за издавање, „рударење“ и тргување со криптовалути во Русија, пренесува руски „Комерсант“. (more…)

Продолжи со читање

Странски банки

Централните банки во светот забрзано се префрлаат од доларот кон златото

Објавено

на

Централните банки во целиот свет забрзано ги зголемуваат резервите на злато кои ги имаат и кои минатата година достигнаа максимум во последните 31 година. (more…)

Продолжи со читање

Странски банки

2021 година ќе биде рекордна во однос на профитите за американсите банки!?

Објавено

на

Најголемите банки на „WallStreet” наскоро треба да пријават рекордни профити во 2021 година, благодарение на високите приноси во секторот на инвестициското банкарство и помалите од очекуваните загуби од кредитите. (more…)

Продолжи со читање

Популарно