На пазарот на валути во моментов едно евро вреди колку еден долар, што е најслаба вредност на европската валута во изминатите 20 години, а тоа е одраз на внимателноста на светскиот пазар на капитал, кога станува збор за состојбата во еврозоната, бидејќи Европа е многу потешко погодена со тешкотиите при снабдување енергија од САД, објави германската медиумска куќа „Deutsche welle”.

Како што се прецизира, за нијанса еврото и понатаму е минимално појјако од доларот, затоа што за едно евро се добива 1,0011 долари, додека апсолутно најнискиот крус беше неодамна по воведувањето на заедничката европска валута, во почетокот на мај 2001 година, кога еврото вредеше 83,8 американски центи.

И покрај значајни поскапувања, Европската централна банка заостанува зад мерките на другите земји. Па така, референтната каматна стапка беше подигната не само од американската банка ФЕД, туку и од Велика Британија и Швајцарија.

Затоа вредноста на еврото опаѓа веќе со седмици, не само во однос на американскиот долар, туку и на кинескиот јуан и на другите светски валути.

Но, како што наведува „Deutsche welle”, не се случува ништо драматично, бидејќи нема сериозни потешкотии во европската економија.