Швајцарскиот франк кој досега важеше за најсигурна и најстабилна светска валута полека ја губи довербата на финансиските пазари откако акциите на „Credit Suisse” паднаа на помалку од една третина од нивната претходна вредност.

Банкарската криза во Швајцарија, предизвикана од колапсот на една од највлијателните банки „Credit Suisse”, која беше преземена од нејзиниот главен конкурент „UBS” по налог на властите во Берн, влијаеше на светските финансиски пазари да се оддалечат од користењето на швајцарскиот франк во тргувањето.

Ова го наведуваат светските економски медиуми, кои потсетуваат дека швајцарскиот франк традиционално важеше за една од четирите валути кои даваат безбедно засолниште, заедно со еврото, американскиот долар и јапонскиот јен.

Се вели дека пошироките финансиски пазари во остатокот од Европа се релативно стабилни, при што еврото и британската фунта значително зајакнаа, додека во Азија јенот расте уште повеќе.