Компанијата „Tesla“ купи биткоини во вредност од 1,5 милијарди долари, а Брендон Минц извршен директор на „Биткоин депото“, верува дека ова ќе ги охрабри и другите компании да вложуваат во биткоини.

Тој дури изјави дека биткоинот ќе достигне цена од дури 100.000 долари до крајот на тековнава година.

За Минц, Илон Маск го премести само првото домино по ред што ќе „лансира“ биткоин оваа година и пошироко.

Во понеделникот, „Tesla“ објави информација за набавка на биткоин, прва компанија со таа големина. Биткоинот порасна за 22 проценти во рок од 24 часа по објавата. Исто така, Извршниот директор на „Tesla”, милијардерот Илон Маск, претходната недела на својот профил на Твитер додаде хаштаг # биткоин, со што ја стимулираше цената на најпознатата криптовалута.

„Мислам дека ќе се создаде ефект на домино како што одминува времето и написите во медиумите зборуваат за големи имиња кои инвестираат во биткоин“, изјави Минц за „Business Insider“.

Тој исто така, изјави дека компаниите што купуваат биткоин можат да очекуваат скок на цената на нивните акции, што ќе повлече и други компании да купуваат биткоини.