Енергетската компанија „British Petroleum“ (BP) објави дека ќе отпушти 10.000 работници во своите филијали низ целиот свет заради влијанието на пандемијата „Ковид-19“.

Извршниот директор на „British Petroleum“ (BP), Бернард Луни, рече дека административните работни места ќе бидат намалени во текот на оваа година, објави „The Guardian“. Оваа британска компанија вработува околу 70.000 работници, до крајот на годинава.

„Сега ќе започнеме процес во кој близу 10.000 луѓе ќе ја напуштат компанијата – најмногу до крајот на годината“, изјави Луни.

Намалувањето во најголем дел ќе опфати повисоки канцелариски позиции, а не вработени ангажирани во првите редови на производство.

Компанијата во април објави дека ќе ги намали трошоците за 25 проценти во 2020 година, откако пандемијата доведе до невиден пад на побарувачката за нафта.