Connect with us

НБРМ

Народна банка: Продолжува трендот на пад на каматните стапки на кредитите

Објавено

на

Просечната каматна стапка на вкупните кредити, во август годинава, и натаму се намалува сведувајќи се на нивото од 5,13 отсто, што претставува месечен и годишен пад од 0,02, односно 0,36 процентни поени, пишува во извештајот на Народната банка.

Просечната каматна стапка на вкупните депозити се задржа на нивото од 1,38 отсто од претходниот месец, додека на годишно ниво забележа пад од 0,04 процентни поени.

„Во август, просечната каматна стапка на новоодобрените кредити оствари месечно намалување од 0,07 процентни поени и изнесува 4,61 отсто, додека споредено на годишна основа, кај оваа каматна стапка е остварено намалување од 0,24 процентнипоени. Просечната каматна стапка на новопримените депозити изнесува 1,10 отсто и на месечна и годишна основа се намали за 0,17,односно за 0,44 процентни поени“, соопштуваат од Народната банка.

Просечната каматна стапка, пак, на вкупните кредити одобрени на корпоративниот сектор, во август, забележа пад од 0,04 процентни поени и изнесува 4,38 отсто. Притоа, надолната промена, велат од НБ, се должи на намалувањето на каматните стапки на денарските кредити без и со валутна клаузула (за 0,05 и 0,03 процентни поени), во услови на непроменета каматна стапка на кредитите во странска валута. Споредено на годишна основа, кај оваа каматна стапка е забележан пад од 0,43 процентни поени.

„Каматната стапка на новоодобрените кредити на корпоративниот сектор, овој месец, изнесува 4,22 отсто, што преставува месечен пад од 0,02 процентни поени. Падот се должи на намалувањето на каматните стапки на денарските кредити со и без валутна клаузула (за 0,21 и 0,04 процентни поени), во услови на раст на каматната стапка на кредитите во странска валута (за 0,20 процентни поени). Каматната стапка на новоодобрените кредити на корпоративниот сектор бележи намалување од 0,36 процентни поени во однос на август минатата година“, пишува во извештајот на Народната банка.

По три месеци непроменето ниво, каматната стапка на вкупните депозити накорпоративниот сектор се намали за 0,03 процентни поени и во август изнесува 1,58 отсто. Надолната месечна промена во целост произлегува од падот на каматната стапка на денарските депозити со валутна клаузула (за 0,19 процентни поени), при непроменета каматна стапка на депозитите во странска валута и раст на каматната стапка на денарските депозити без валутна клаузула (за 0,03 процентни поени). Анализирано на годишна основа, оваа каматна стапка е пониска за 0,02 процентни поени.

„Во август годинава, просечна каматна стапка на новопримените депозити на корпоративниот сектор изнесува 0,89 отсто, што преставува пад за 0,33 процентни поени во однос на претходниот месец. Падот е резултат на надолното поместување кај сите компоненти во рамките на оваа категорија: каматните стапки на денарските депозити со валутна клаузула, каматната стапка на депозитите во странска валута и каматната стапка на денарските депозити без валутна клаузула (за 0,44, 0,14 и 0,02 процентни поени). Во споредба со август минатата година, оваа каматна стапка бележи годишен пад од 0,60 проценти поени“, се додава во на Народната банка.

Според Народната банка, каматната стапка на вкупните кредити на домаќинствата, во август, изнесува 5,84 отсто и забележа месечен пад од 0,02 процентни поени. Надолната промена се должи на намалувањето кај сите компоненти во оваа категорија, и тоа кај каматните стапки на кредитите одобрени во странска валута (за 0,03 процентни поени) и кредитите во денари без и со валутна клаузула (за 0,02 процентни поени). Гледано на годишна основа, каматната стапка на вкупните кредити на домаќинствата е намалена за 0,34 процентни поени.

Кај просечната каматна стапка на новоодoбрените кредити на домаќинствата е остварен пад од 0,05 процентни поени на месечна основа и таа изнесува 5,22 отсто. Притоа, месечниот пад во целост произлегува од надолната промена кај каматните стапки на денарските кредити без валутна клаузула (за 0,11 процентни поени), додека каматните стапки на девизните кредити и денарските кредити со валутна клаузула оствариле раст (за 0,14 и 0,01 процентни поени). На годишно ниво, оваа каматна стапка забележа намалување за 0,13 процентни поени.

Просечната каматна стапка на вкупните депозити на домаќинствата, како што посочуваат од НБ, овој месец, не забележа месечна промена и се задржа на нивото од 1,35 отсто. Оваа каматна стапка на годишна основа е намалена за 0,05 процентни поени.

„Во август, кај просечната каматна стапка на новопримените депозити на домаќинствата е забележан месечен пад од 0,07 процентни поени, со што таа се сведе на нивото од 1,23 отсто. Надолната промена произлегува од падот на каматните стапки на депозитите во странска валута и денарските депозити без валутна клаузула (за 0,04 и 0,02 процентни поени), во услови кога не се примени денарски депозити со валутна клаузула. Просечната каматна стапка на новопримените депозити на домаќинствата бележи пад за 0,36 процентни поени, споредено на годишна основа“, потенцираат од Народната банка.

НБРМ

Народната банка склучи Договор за соработка со Европската централна банка во сферата на заштитата на банкнотите во евра од фалсификување

Објавено

на

Народната банка склучи Договор за соработка со Европската централна банка (ЕЦБ) во сферата на заштитата на банкнотите во евра од фалсификување. Со ова се остварува уште еден чекор во исполнувањето на препораките од најновиот извештај на Европската комисија и се потврдува цврстата стратегиска определба на Народната банка за чекорење по патот кон Европскиот систем на централни банки. (more…)

Продолжи со читање

НБРМ

Извршниот директор во ММФ, Де Ланој: Народната банка правилно постапи со одземањето на дозволата на „Еуростандард банка“

Објавено

на

Народната банка е професионална и независна институција, којашто при одлучувањето ги применува највисоките меѓународни стандарди и најдобрите меѓународни практики. Одземањето на дозволата на „Еуростандард банка“ покажува дека Народната банка е подготвена да преземе навремени корективни супервизорски активности за да се обезбеди целокупната стабилност на финансискиот систем. (more…)

Продолжи со читање

НБРМ

Јакнењето на финансиската стабилност е од голема важност за закрепнувањето на македонската економија

Објавено

на

Последиците од ковид-кризата врз економијата се видливи, но во голема мера ублажени преку навремените и соодветни монетарни и фискални мерки. Последно расположивите податоци покажуваат значително подобрување на состојбата на економијата, но јасно е дека неизвесноста е особено изразена. Ова е карактеристично за вкупната глобална економија, чие закрепнување се потпира на фактори поврзани со јавното здравје и на економски фактори кои е тешко да се предвидат. Оттаму, потребно да се продолжи со постојано следење на состојбите, прилагодување на политиките и преземање навремени мерки. ММФ и натаму, секогаш кога има потреба и простор за тоа ќе испорачува поддршка за економиите. (more…)

Продолжи со читање

Популарно