Connect with us

Анализи

Над 140 милиони евра потрошени на недвижности – Што и каде најмногу се купува

Објавено

на

Пазарот на недвижности и натаму бележи високи стапки на приноси гледано според податоците за третиот квартал од 2019 година кога за само три месеци биле потрошени импресивни 142 милиони евра.

Според податоците на Агенцијата за катастар на недвижности, македонските граѓани најмногу вложиле пари во купување на станови, односно од оваа сума 80 милиони евра се наменети за живеење во зграда.

Најатрактивни за купување биле становите во општина Карпош каде биле продадени вкупно 239 станови. Аеродром и натаму е една од најбараните скопски општини за живеење со 213 продадени станови, следува Центар со 142 продадени станови и Кисела Вода каде се продале 123 станови.

Надвор од Скопје најголем интерес за купување на стан има во Охрид споредено со останатите градови каде во текот на летната сезона биле продадени 123 станови, а зад него се Куманово каде имало интерес за 83 станови и Тетово со продадени 81 стан.

Далеку помал е интересот за купување на куќи, па така за јули, август и септември минатата година биле потрошени околу 17 милиони евра, но со нив се откупени вкупно 192 илјади метри квадратни, додека пак вкупната станбена површина во згради изнесува 116 илјади м2.

Најмногу куќи се продале на пазарот на недвижности во Битола, вкупно 30, потоа во Струга и Кичево по 24 куќи, додека најмногу продадени куќи во скопска општина има во Карпош односно вкупни 23 куќи. Во Чаир се продале 15 куќи, во Центар 14 куќи, а во Гази Баба и Кисела вода се продале по 12 куќи.

Во поглед на цената на метар квадратен убедливо и натаму најскапо е да се купи стан на територија на општина Карпош каде и побарувачката е најголема иако податоците на Агенцијата за катастар на недвижности се однесуваат на просечните цени, односно на други локации особено во Центар може да се најдат и многу поскапи цена каде м2 е над 1400 евра.

Така според податоците просечната цена на м2 во Скопје највисока е во општина Карпош, каде стан се продава за 60,398 денари по квадрат, за во Центар просечната цена на м2 на становите изнесува 59,855 денари, а во Аеродром во просек м2 чини 50,739 денари.

Поевтини скопски општини за купување станови се Гази Баба со просечна цена од 45,001 денар за м2 и Ѓорче Петров со 41,202 денари м2.

Во внатрешноста на Македонија највисока просечна цена држи пазарот на недвижности во Охрид со 46,571 денари за м2, во повеќето поголеми градови просечната цена се движи околу 30 илјади денари, а најниска просечна цена според податоците има во Штип каде м2 изнесува 26,780 денари.

Анализи

Значително намалена побарувачката за кредити кај граѓаните, но и кај фирмите во вториот квартал

Објавено

на

Во второто тримесечје на 2020 година, во екот на пандемијата со коронавирусот во земјава, банките укажуваат на значително нето-намалување на побарувачката на вкупните кредити на секторот „домаќинства“, наспроти малото нето-зголемување во претходната анкета, покажува најновата анкета на Народната банка за кредитната активност за вториот квартал односно за периодот од април-јуни 2020 година. (more…)

Продолжи со читање

Анализи

Финансиските друштва се извор на приливи за граѓаните кога им се неопходни итни финансиски средства

Објавено

на

Кај голем дел од популацијата мислењето за финансиските друштва е негативно. Независно дали е тоа од сопствено искуство или е наметнато мислење коешто е општоприфатено кај повеќето граѓани. (more…)

Продолжи со читање

Анализи

Србија размислува за продолжување на мораториумот на кредитите!?

Објавено

на

Претседателот на Србија, Александар Вучиќ, изјави дека разговарал со гувернерката на Народната банка на Србија, Јоргованка Табаковиќ, за дополнителен мораториум за отплата на кредитните обврски под одредени услови, како за физички лица, така и за компаниите, барем за уште два месеци, пишува „Bankar.rs“. (more…)

Продолжи со читање

Популарно