Наградната игра „КЕШБЕК ЗА ПОДОБРО РАСПОЛОЖЕНИЕ!“ е организирана од страна на УНИБанка АД Скопје. Наменета е за физички лица-корисници на дебитни картички од брендот Mastercard издадени од УНИБанка АД Скопје, а се спроведува на сите продажни места и во електронска трговија (плаќање на интернет) во Република Северна Македонија, каде се прифаќаат горенаведените картички.

Наградната игра ќе започне на 01.08.2022 година и ќе трае до 31.10.2022 година.

Поврат на средства (cash back) во висина од 1.000,00 денари ќе се доделува на месечно ниво на првите 150 корисници кои со поединечна картичка ќе извршат 10 (десет) поединечни трансакции месечно, секоја во износ еднаков или поголем од 500,00 денари на продажни места и во електронска трговија (плаќања на интернет) во земјата.

За целиот период на траење на наградната игра ќе се изврши поврат на средства на вкупно 450 клиенти. Еден учесник има право само еднаш да добие награда (поврат на средства) со една картичка. Доколку се случи некој од учесниците да го исполни условот повеќе пати со иста картичка, награда (поврат на средства) ќе добие следниот учесник кој го исполнува условот.

Квалификувани за учество во наградната игра се сите полнолетни физички лица – државјани на Република Северна Македонија (лица со и над 18 годишна возраст на денот на извршување на првата трансакција), кои се корисници на Mastercard дебитна картичка (основна или дополнителна) издадени од УНИБанка АД Скопје.

Учесниците имаат можност да го откажат своето учество во наградната игра со поднесување на Изјава за откажување на учество во наградната игра во една од експозитурите на УНИБанка АД Скопје.

Со учество во наградната игра, учесниците потврдуваат дека се целосно запознаени со одредбите на правилата на наградната игра и ја изразуваат својата согласност во поглед на истите.

ПРАВИЛА НА НАГРАДНА ИГРА