Традиционалниот настан по повод „Светскиот ден на штедењето“ и оваа година беше организиран од страна на Македонската банкарска асоцијација, во соработка со Фондот за осигурување на депозити и комерцијалните банки.

Најдобрите службеници од банките и финансиските институции за 2020 година беа прогласени на виртуелен настан на кој високи претставници од финансискиот сектор им упатија честитки и пофалби за покажаниот успех и резултати во работењето.

Шпаркасе Банка Македонија АД Скопје додели признанија за „Најдобар банкарски службеник”, на вработените кои во време на пандемија грижата за клиентите ја ставија на прво место.

Најдобри банкарски службеници се:

Мимоза Каса Јашари, Шалтерски работник во Експозитурата во Тетово;

Катерина Тошевска, Референт за население во Експозитурата во Прилеп;

Горан Крумов, Референт за компании во Експозитурата во Струмица.