Легендарниот инвеститор Чарли Мунгер, долгогодишен деловен партнер и соработник на Ворен Бафет, деновиве гласно размислуваше за акциите на „Tesla” и за најпознатата криптовалута биткоинот.

И во двата случаи, имаше огромен раст во текот на изминатата година, па тој беше запрашан дали е полудо што биткоинот надминува 50.000 долари или пазарната вредност на „Tesla” којашто веќе достигна вредност од речиси една милијарда долари.

„Имам сличен проблем како Семјуел Џонсон кога го прашаа дали сака болви или вошки. Не знам што е полошо. Не верувам дека биткоинот ќе стане општо средство за плаќање. Премногу е волантно и непостојано. Тоа е вештачка замена за златото. Бидејќи никогаш не сум купил злато, нема да купувам ниту биткоини“, изјави Мунгер.

Акциите на „Tesla” лани пораснаа за неверојатни 743%, иако во моментов се намалени за околу 3% за тековната 2021 година. Пазарната вредност на „Tesla” е околу 689 милијарди долари. Во текот на изминатата недела биткоинот продолжи да ја зголемува својата вредност и повторно ја надмина границата од 50.000 американски долари откако „Tesla” и „MicroStrategy” објавија дека купиле биткоини во вредност од 3,5 милијарди долари.